Sağlamlıq

Gilasın orqanizmə 10 faydası - Ağ və qırmızının fərqi

14 İyun 2019 23:25
1 Şərh     Baxış: 2 673

Gilas A, E, C, PP, B vitaminləri, yod, fosfor, kalium, maqniy, kalsiula zəngin olub, qışdan zəif çıxan orqanizmi lazımi minerallarla təmin edir. 

Uşaqlar, hamilə qadınlar, yaşlılar üçün də çox vacib meyvədir.

Milli.Az bildirir ki, medicina.az gilasın hansı xəstəliklərdə nə kimi faydası olduğunu araşdırıb.

1. Qalxanvari vəz, zob xəstəlikləri - yodla zəngindir

2. Böyrək və sidik yolları iltihabi xəstəliklərində - iltihabı, spazmı, infeksiyanı aradan götürür

3. Mədə-bağırsaq problemləri - ağ gilas həzmi yaxşılaşdırır, çəki azaldır, arıqladır. Disbakterioz, ishalda yeyilməlidir

4. Öskürək, ağciyər xəstəliklərində - isti kompotu, məhlulu öskürəyi yumşaldır, bronxları açır

5. Yüksək təzyiqdə - tünd gilasda olan fenol birləşmələri kapilyarları möhkəmləndirir, bu da təzyiq və ürək xəstəliklərinin yaranmasını əngəlləyir

6. Tromb və qan qatılaşmasına qarşı - tərkibindəki kumarin qanın keyfiyyətini yaxşılaşdırır

7. Xərçəng şiş hüceyrələrindən qoruyur - gilas yüksək səviyyədə antioksidant təsirlidir. Hər gün 100 qr qırmızı "öküz ürəyi" gilası yesəniz kifayət edər.
 
8. Gözlərin dərmanıdır - ağ gilasda olan beta karotin gözləri sağlamlaşdırır. 

9. Ürəyin desertidir - Amerika kardioloqları bildirir ki, müntəzəm olaraq hər gün bir ovuc qırmızı gilas yedikdə, ürəyin işini yüngülləşdirib, onun dözümlüyüyünü artırarsız.

10. Yuxusuzluğa qarşı - gilas təbii melatonin-yuxu və gümrahlıq hormonu mənbəyidir. Axşama yaxın 100 qr gilas yesəniz yuxunuz şirin və yaxşı olacaq.

Ağ yoxsa qırmızı?

Rənginə görə dadı və tərkibində şəkər və orqanik turşuların miqdarına görə seçilir. 
Tünd qırmızı gilasda çox miqdarda antosianov piqmenti, P vitamini, antioksidant təsirli maddələr var. Bir sözlə, gilas nə qədər tünddürsə, bir o qədər faydalıdır. Fransada tünd gilasdan şərab daha qiymətli, faydalı hesab olunur.

Ağ gilasın özəlliyi odur ki, o nadir halda allergiya yaradır. Gilas nə qədər turşaşirin olsa, o qədər yaxşıdır. Lap şirin gilas orqanizm üçün elə də faydalı olmaz. 

Kimlərə olmaz?

Köpü, qəbizliyi olanlar az yeməlidir, çünki gilas qaz yaradır.
Diabet xəstələri də çox az qəbul etməlidir. Gilasın turş növlərini seçsinlər.

Milli.Az

loading...

Şərh yaz:

1 Şərh:

  • Anonim
    Esra Ibrahimli(Samaxi) · 14 İyun 23:2930

    ənnn coxxx sevdiyim meyvedii qip-qirmizi şanpan gilas deyirler eee superrr soyuqq yeyirsennn lezzett

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.