Sağlamlıq

Bu peşələrdə çalışanların xərçəngdən ölüm riski daha yüksəkdir

20 Avqust 2026 02:02

Baxış: 2 578

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏRÇƏNG XƏSTƏLİYİ

BŞ-də aparılan genişmiqyaslı araşdırma pilot və stüardessaların radiasiya ilə əlaqəli xərçənglərdən ölüm riskinin digər peşə qrupları ilə müqayisədə daha yüksək olduğunu göstərib.

Milli.Az xəbər verir ki, araşdırmada 2020-2024-cü illərdə ABŞ-də qeydə alınan 12,7 milyondan çox ölüm halı və 503 müxtəlif peşə qrupu təhlil edilib. Tədqiqatçılar radiasiya ilə əlaqələndirilən leykemiya, limfoma, süd vəzi, qalxanabənzər vəz, prostat, dəri və digər xərçəng növlərindən ölüm göstəricilərini araşdırıblar.

Nəticələrə görə, stüardessalar radiasiya ilə əlaqəli xərçənglərdən ölüm göstəricisinə görə 503 peşə arasında ilk, pilotlar isə ikinci yerdə qərarlaşıb. Stüardessalarda bu xərçənglərdən ölüm ehtimalı ümumi işləyən əhali ilə müqayisədə təxminən 50 faiz, pilotlarda isə 36 faiz daha yüksək olub.

Mütəxəssislər bunu əsasən yüksək hündürlükdə uçuş zamanı kosmik radiasiyaya daha çox məruz qalma ilə əlaqələndirirlər. Pilot və stüardessaların ildə təxminən 3-6 millisivert kosmik radiasiya aldığı bildirilir.

Bununla belə, tədqiqatçılar nəticələrin birbaşa səbəb-nəticə əlaqəsini sübut etmədiyini vurğulayırlar. Fərdi radiasiya dozaları və yuxu rejiminin pozulması kimi digər amillər araşdırmada tam nəzərə alınmayıb.

Araşdırmanın nəticələri JAMA Internal Medicine jurnalında dərc olunub.

Müəllif: Nərmin Mahmudova (Milli.Az müxbir)