Sağlamlıq

Alma sirkəsi şəkər xəstələrini sağaldır?

13 İyun 2026 03:03
Baxış: 411
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Elmi sübutlar göstərir ki, alma sirkəsi qan şəkəri səviyyəsi üçün faydalı ola bilər.

Milli.Az Medicina.az-a istinadən xəbər verir ki, tədqiqatçılar 15 sağlam insanı altı sınaq yeməyinə məruz qoyublar.

Təsadüfi olaraq təyin olunmuş yeməklər zeytun yağı, sirkə, yaxud zeytun yağı, sirkə və çörək sodası çilənmiş 100 qram doğranmış salatdan ibarət olub. Üç halda, sınaq yeməklərindən sonra 50 qram ağ çörək (qan şəkərində kəskin bir artıma səbəb olub) verilib. Qan şəkəri (qlükoza) səviyyələri yeməkdən əvvəl və yeməkdən 95 dəqiqə sonra ölçülüb.

Tədqiqatçılar qeyd ediblər ki, sirkə qəbulu ilə qlükoza reaksiyaları 31,4% azalıb.

Bu tədqiqatın məhdudiyyətləri var. Birincisi, nümunənin ölçüsü kiçikdir, buna görə də nəticələr daha geniş kütləyə şamil edilə bilməz. İkincisi, test pəhrizi 2-ci tip diabeti olmayan insanlara tətbiq edilib.

"Rafinə edilmiş karbohidratlardan və şəkərdən qaçmaq, şübhəsiz ki, qan şəkərini tənzimləməyin ən təsirli yoludur. Lakin alma sirkəsi içmək də faydalı ola bilər. Alma sirkəsinin tərkibində çox az miqdarda kalium, kalsium və maqneziumdan başqa heç bir vitamin və ya mineral yoxdur. Bununla belə, tərkibində amin turşuları və antioksidantlar var", - deyə diyetoloq İqor Strokov bildirib.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.