Sağlamlıq

Gəzərkən artan ağrı bu xəstəliyin ƏLAMƏTİDİR

17 Aprel 2026 02:02

Baxış: 1 806

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

Gəzərkən artan ağrı, ayaqlarda uyuşma və qısa məsafədən sonra dincəlmə ehtiyacı onurğa kanalının daralması xəstəliyinin ilkin əlamətləri ola bilər. Xüsusilə 55-60 yaşdan sonra daha çox rast gəlinən bu problem irəlilədikdə sinir sıxılmasına səbəb olaraq qalıcı hərəkət məhdudiyyətləri yarada bilər.

Milli.Az xəbər verir ki, bu barədə türkiyəli Beyin və Sinir Cərrahiyyəsi mütəxəssisi Aytaç Can məlumat verib.

Onun sözlərinə görə, onurğa kanalının daralması əsasən bel bölgəsində müşahidə olunur. Xəstəlik bağ toxumasının qalınlaşması və ya disk yırtıqları nəticəsində meydana gəlir:

"Bel nahiyəsində daralma zamanı xəstələrdə gəzərkən artan ağrı, uyuşma və yalnız istirahət və ya irəli əyilmə ilə keçən şikayətlər yaranır. Ayaqlarda gücsüzlük də müşahidə oluna bilər. Boyun bölgəsində isə əl və qollarda zəiflik, uyuşma və tarazlıq pozğunluğu görülə bilər".

Mütəxəssis qeyd edib ki, xəstəliyin diaqnostikasında MRT müayinəsi mühüm rol oynayır. İlkin mərhələdə dərman müalicəsi, fizioterapiya, pilates, üzgüçülük və gəzinti kimi qeyri-cərrahi üsullar tətbiq edilir.

Lakin şikayətlər davam etdikdə epidural inyeksiyalar və digər ağrı müalicəsi metodlarına müraciət oluna bilər. Sinir sıxılmasının ciddi həddə çatdığı hallarda isə cərrahi müdaxilə qaçılmaz olur.

Mina Mikayılova
Milli.Az