Təbiətdə pulsuz yetişən bu möcüzə bədəni başdan-ayağa yeniləyir

Təbiətdə özbaşına yetişən və çox vaxt qiyməti bilinməyən tut müasir tibbin diqqət mərkəzinə düşüb. O, nəinki ürəyi gəncləşdirir, həm də diabetdən sümük əriməsinə qədər bir çox problemə çarə olur.

Milli.Az xəbər verir ki, təbiətdə öz-özünə bitən və bağ mühitində zəhmətsiz böyüyən tut yüksək qida dəyərinə malik olmasına baxmayaraq, gündəlik qidalanma vərdişlərində layiq olduğu yeri tutmur. Mütəxəssislər bu meyvənin tərkibindəki vitamin, mineral və bioloji komponentlərin ümumi bədən sağlamlığında kritik rol oynadığını bildirirlər.

Tutun ən bariz xüsusiyyətlərindən biri immunitet sistemini gücləndirən və hüceyrə bərpasını sürətləndirən yüksək C vitamini tərkibidir. Xüsusilə qurudulmuş forması ilə mühüm dəmir mənbəyinə çevrilən bu meyvə qan azlığı (anemiya) problemi yaşayanlar və hamilə qadınlar üçün təbii əlavə rolunu oynayır. Həmçinin tərkibindəki polifenollar və resveratrol birləşmələri yaşlanma təsirlərini gecikdirir və ürək sağlamlığını qoruyan güclü antioksidantlar kimi çıxış edir.

Diabetin idarə olunması baxımından da diqqət çəkən tut xüsusilə yarpaqlarındakı xüsusi komponentlər sayəsində karbohidratların sorulmasını ləngidir və qan şəkərini sabit saxlamağa kömək edir. Bu xüsusiyyət yüksək lif tərkibi ilə birləşdikdə həzmi asanlaşdırır və çəki nəzarəti proseslərini dəstəkləyir.

Sümük sağlamlığı üçün zəruri olan K vitamini və kalsiumu bir arada təqdim edən bu meyvə, osteoporoz (sümük əriməsi) riskinə qarşı qoruyucu qalxan yaradır. Tərkibindəki B qrupu vitaminləri isə maddələr mübadiləsini və sinir sistemini gücləndirir.

Dad baxımından ağ tut ən yüksək şəkər nisbətinə malikdir; qara və qırmızı tutlar isə daha kəskin və yüngül turşməzə ətir təqdim edir. Meyvənin çox həssas və tez xarab olan quruluşu onun uzun müddət təzə saxlanmasını çətinləşdirsə də, müxtəlif istehlak üsulları (qurudulmuş, bəkməz və s.) bu problemi aradan qaldırır.

Lalə Qüdrətova
Milli.Az