Sağlamlıq

İdman edənlər xərçəngə daha az tutulur - Araşdırma

4 Dekabr 2025 23:00
Baxış: 805
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Fiziki məşqlər xərçəngin böyüməsini 60 faiz yavaşlada bilər.

Milli.Az xəbər verir ki, beynəlxalq tədqiqatlar göstərir ki, fiziki aktivlik xərçəng hüceyrələrinin enerji mənbəyini azaltmaqla onların böyüməsini ləngidə bilər.

Bu nəticə "Proceedings of the National Academy of Sciences" (PNAS) jurnalında dərc olunmuş araşdırmada yer alıb.

Tədqiqat çərçivəsində aparılan eksperimentlərdə göstərilib ki, müntəzəm olaraq qaçan siçanlarda şişlər təxminən 60 faiz daha yavaş böyüyür. Maraqlısı odur ki, bu fərq heyvanların qəbul etdiyi kalorinin miqdarından asılı olmayıb.

Alimlər qeyd edirlər ki, məşqlər zamanı ürək və skelet əzələləri qlükozanı aktiv şəkildə istifadə edir, beləliklə şişlər üçün enerji mənbəyi azalır. Bu effekt həm süd vəzi xərçəngi, həm də melanoma modellərində müşahidə olunub.

Bundan əlavə, məşq edən siçanlarda mTOR proteininin aktivliyi azalır ki, bu da şişlərin böyüməsini stimullaşdıran əsas faktor hesab olunur. Əvvəlcədən edilən məşqlər isə orqanizmin enerji effektivliyini artıraraq bədən tərkibini yaxşılaşdırır.

Alimlər hesab edir ki, insanlar üçün də bənzər mexanizmlər mövcuddur. Məşqlər əzələlərin gen ifadəsini dəyişdirərək qlükoza və amin turşularının metabolizmini xərçəng əleyhinə istiqamətə yönəldə bilər.

Tədqiqatçılar bildirirlər ki, "qlükozanın yenidən paylanması" mexanizminin başa düşülməsi yeni xərçəng terapiyası yanaşmalarının yaradılmasına kömək edə bilər. Bunlara fiziki məşqlər proqramlarından tutmuş, məşqin metabolik təsirlərini təqlid edən dərmanların hazırlanmasına qədər yanaşmalar daxildir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.