Sağlamlıq

Hər evdə var - Başdan ayağa mikrob yuvasıdır

12 Noyabr 2025 22:00
Baxış: 2 395
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Mətbəx süngəri mikroorqanizmlərin inkişafı üçün ideal mühitdir.

Milli.Az xəbər verir ki, bunu Rusiya Texnologiya Universitetinin biotexnologiya və sənaye farmasiyası kafedrasının dosenti Mariya Zolotareva deyib. adi mətbəx süngəri mikroorqanizmlərin inkişafı üçün ideal mühitdir.

Onun qabarcıqlı strukturu, daim rütubətli olması və üzərində qida qalıqları bakteriyaların çoxalmasına şərait yaradır.

Ekspertin sözlərinə görə, süngərdə ən çox Acinetobacter, Moraxella və Chryseobacterium cinslərinə aid bakteriyalar aşkarlanır ki, bunlar immuniteti zəif olan insanlarda infeksion xəstəliklərə səbəb ola bilər.

Ən təhlükəlisi isə Escherichia coli və enterokoklardır. Bu mikroorqanizmlər fekal çirklənməni göstərir və mədə-bağırsaq pozğunluqları riskini artırır.

Zolotareva qeyd edib ki, ənənəvi təmizləmə üsulları tam effektiv deyil. İsti su və sabunla yumaq, soda həllində islatmaq yalnız səthdəki bakteriyaları azaldır, dərinlikdə qalanlar isə qalır. Dezinfeksiyaedici vasitələr də həmişə dərinliklərə çatmır.

Süngərdəki mikrobioloji yükü azaltmaq üçün ən yaxşı üsul düzgün istifadədir. Hər istifadədən sonra süngəri yaxşı sıxmaq, quru və yaxşı havalandırılan yerdə saxlamaq bakteriyaların çoxalmasını ləngidir. Qab yumaq və iş səthlərini təmizləmək üçün ayrı süngərlərdən istifadə etmək tövsiyə olunur. Süngəri isə həftədə ən az bir dəfə dəyişmək lazımdır.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.