Sağlamlıq

Ağzınızdakı belə dəyişikliklər infakrtın xəbərçisi ola bilər

6 Noyabr 2025 22:00

Baxış: 1 453

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #SAĞLAM QİDA

Alimlər diş əti xəstəlikləri ilə ürək və beyin xəstəlikləri arasında təhlükəli əlaqə aşkar edib

Milli.Az xəbər verir ki, araşdırma "Neurology Open Access" jurnalında dərc olunub.

Araşdırma diş əti xəstəlikləri və diş çürüməsinin təkcə ağız sağlamlığına deyil, həm də ürək və beyin damar sisteminə ciddi təsir göstərə biləcəyini ortaya qoyub.

Mütəxəssislər təxminən 6 min nəfərin sağlamlıq məlumatlarını təhlil ediblər. Nəticələrə görə, həm diş çürüməsi, həm də diş əti iltihabı olan şəxslərdə insult riski 86 faiz, infarkt riski isə 36 faiz artıb.

Tədqiqatçılar bildiriblər ki, ağız boşluğunda xroniki iltihab prosesləri orqanizmdə ümumi iltihabi reaksiyanı gücləndirir və bu da damar divarlarının zədələnməsinə səbəb olur. Nəticədə, qan dövranı pozulur və trombların əmələ gəlmə riski yüksəlir.

"Diş əti xəstəlikləri və diş çürüməsi çox vaxt diqqətdən kənarda qalır, halbuki onlar beyinə qan axınını pozaraq işemik insultun inkişafına şərait yarada bilər," - deyə tədqiqat müəllifləri qeyd edib.

Alimlər xəbərdarlıq edirlər ki, bu, səbəb-nəticə əlaqəsini tam sübut etmir, lakin diş və diş əti sağlamlığının qorunmasının insanın ümumi sağlamlığı üçün həyati əhəmiyyət daşıdığını göstərir.

Mütəxəssislər dişləri gündə iki dəfə fırçalamağı, diş sapından istifadə etməyi və mütəmadi olaraq stomatoloqa müraciət etməyi tövsiyə edir.

İsmayıl
Milli.Az