Sağlamlıq

"Vegetarian qadınların uşaqları əqli cəhətdən zəif ola bilər"

4 Noyabr 2025 23:00

Baxış: 1 064

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SAĞLAMLIQ

Hamiləlik dövründə Omega-3 çatışmazlığı uşağın zehni inkişafına təsir göstərə bilər.

Milli.Az xəbər verir ki, bunu rusiyalı dietoloq Yuliya Moskviçeva deyib.

"Xüsusilə vegetarian qidalanan qadınlar bu risklə daha çox üzləşirlər. "Omega-3 yağ turşuları qoz, çiy toxum və bitki yağlarında olsa da, tədqiqatlar göstərir ki, bu mənbələr hamiləlik dövründə kifayət qədər olmaya bilər. Ən zəngin Omega-3 mənbəyi yağlı dəniz balıqları və dəniz məhsullarıdır. Onların çatışmazlığı uşağın idrak və yaddaş qabiliyyətlərinin zəifləməsinə səbəb ola bilər," - deyə Moskviçeva vurğulayıb".

"Bu risklər gələcək anaları qorxutmamalı, sadəcə düzgün qidalanmaya və əlavə vitamin qəbuluna diqqət yetirməyə sövq etməlidir. Vegetarian hamilə qadınlar adətən sağlamlıqlarına qarşı daha məsuliyyətli olurlar və mütəxəssislərin tövsiyələrinə əməl edirlər. Vitamin-mineral kompleksləri və hamilələr üçün xüsusi qidalanma proqramları bu çatışmazlıqları aradan qaldıra bilər," - deyə o qeyd edib.

Moskviçeva həmçinin bildirib ki, hamiləlik dövründə qidalanmanın biokimyəvi göstəricilərinə nəzarət vacibdir və orqanizmdəki bəzi dəyişikliklər qidalanma ilə bağlı patologiyaların xəbərdarlıq əlaməti ola bilər.

Milli.Az