Uşağınızın baş ağrısı təhlükəli ola bilər - Bu əlamətlər varsa, vaxt itirməyin

Son illərdə uşaqlarda ekran qarşısında çox vaxt keçirmə, yuxu rejiminin pozulması, məktəb stressi və qeyri-sağlam qidalanma səbəbindən baş ağrısı halları xeyli artıb. Uşaq Neyroloqu Prof. Dr. Nur Aydınlı bildirir ki, baş ağrısının sadə səbəbləri ola biləcəyi kimi, ciddi xəstəliklərə işarə edən təhlükəli səbəbləri də ola bilər.

İbtidai sinifdə oxuyan uşaqların yarısı, yuxarı yaş qrupunda olan uşaqların isə təxminən üçdə ikisi müxtəlif tezliklərlə baş ağrısı yaşayır.

Bəzən bu ağrı aclıq, susuzluq kimi sadə səbəblərlə əlaqəli olur, bəzən isə orqanizmə ciddi siqnal verir.

Prof. Dr. Aydınlı uşaqlarda baş ağrısına səbəb olan əsas faktorları sadalayır:

Yuxu və qidalanma pozğunluğu

Kifayət qədər yatmamaq

Gec yatıb, gec oyanmaq

Aclıq və susuz qalmaq 

Düzgün yuxu və qida rejimi ağrıları azalda bilər.

Psixoloji stres və gərginlik

Məktəb təzyiqi

Dostlarla münasibət problemləri

Ailə içi gərginlik

Miqren

Uşaqlarda tez-tez rast gəlinir

Zoquldadan, çox vaxt bir tərəfli ağrı

İşıq və səsə həssaslıq, ürəkbulanma müşahidə oluna bilər

Miqreni stress, aclıq, yuxusuzluq başladır.

Görmə problemləri

Uzun müddət telefon, planşet və kompüterə baxmaq göz yorğunluğu baş ağrısına səbəb ola bilər. Mütəmadi göz müayinəsi vacibdir.

Sinüzit və infeksiyalar

Burun tutulması, üzdə ağırlıq və təzyiq hissi ilə birlikdə baş ağrısı olur

Baş zədələri

Kəllədaxili təzyiq artması

Nadir hallarda şiş və ciddi nevroloji problemlər

Bu əlamətlər varsa dərhal həkimə müraciət edin

• Ağrı ani başlayıb şiddətli şəkildə davam edirsə
• Ağrıya qusma, görmə pozğunluğu, huş dəyişiklikləri qoşulursa
• Uşağı yuxudan oyandıracaq qədər güclü ağrı varsa
•  Səhərlər daha çox hiss olunan ağrı müşahidə olunursa
•  Baş zədəsindən sonra baş ağrısı yaranıbsa
• Ağrı ağrıkəsicilərə cavab vermirsə
•  Həftədə 2 və daha çox təkrarlanırsa

Lalə Qüdrətova
Milli.Az