Kulinariya

Sobada beşamel souslu və pendirli kartof

16 Yanvar 2026 00:45
Baxış: 1 109
VTB-də minimal faiz dərəcəsi ilə nağd kredit 9.9%-dən
#KULİNARİYA

Soba yeməkləri arasında həm doyurucu, həm də zərif dadı ilə seçilən beşamel souslu kartofun ən vacib hissəsi sousun teksturasıdır. Sousda un topaqlarının qalmaması və kartofun tam bişməsi üçün bəzi peşəkar aşpaz fəndləri mövcuddur.

Milli.Az bu resepti mükəmməl edən əsas nüansları təqdim edir:

Kartofun sobada çiy qalmaması üçün onları çox qalın doğramamaq vacibdir. İncə, dairəvi dilimlər sousu daha yaxşı canına çəkir. Əgər vaxtınız azdırsa, kartofları dilimlədikdən sonra 5 dəqiqə qaynar suda saxlayıb yarıbişmiş hala gətirə bilərsiniz.

Beşamel sous hazırlayarkən unun qoxusu çıxana qədər yağda qovrulması şərtdir. Lakin ən vacib məqam südün soyuq olması və tədricən əlavə edilməsidir. Südü tökərkən sürətlə qarışdırmaq unun topaqlaşmasının qarşısını alır. Sous çox qatı olmamalıdır, çünki sobada kartoflar bişərkən sousun bir hissəsini özünə çəkəcək.

Beşamel sousun dadını daha da zənginləşdirmək üçün içərisinə bir çimdik muskat qozu rəndələmək tövsiyə olunur. Bu, sousa peşəkar restoran dadı verir.

Yeməyi sobaya qoyarkən üzərini əvvəlcə yağlı kağızla örtmək kartofların qurumadan bişməsini təmin edir. Kaşar pendirini isə yeməyin bişməsinə 10 dəqiqə qalmış əlavə etmək lazımdır. Bu, pendirin yanmamasını və tam qızılı rəng alaraq uzanmasını təmin edir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.