Kulinariya

İmsak üçün uzun müddət tox tutan kükü resepti

28 Fevral 2026 07:07

Baxış: 14 106

VTB-də minimal faiz dərəcəsi ilə nağd kredit 9.9%-dən

#KULİNARİYA

Yumurta imsakda ən vacib protein mənbəyidir. Lakin hər gün eyni şəkildə qaynadılmış yumurta yeməkdən sıxılanlar üçün bu kükü resepti həm ləzzətli, həm də praktik bir alternativ təqdim edir.

Milli.Az lazım olan ərzaqları nəzərinizə çatdırır:

10 ədəd bərk qaynadılmış yumurta

1 çay stəkanı süd

2 dolu xörək qaşığı suxarı

100 qram duzsuz ağ pendir

2 ədəd çiy yumurta (qarışdırmaq üçün)

Yarım dəstə xırda doğranmış cəfəri və şüyüd

Ədviyyatlar: Duz, qırmızı toz bibər, zirə (kimyon), istiot

Qızartmaq üçün: 1,5 su stəkanı bitki yağı

Hazırlanma qaydası:
Qaynadılmış yumurtaları geniş bir qaba sürtgəcdən keçirin.

Sürtgəcdən keçmiş yumurtaların üzərinə südü, suxarı və bütün ədviyyatları əlavə edin.

Xırda doğranmış cəfəri, şüyüd, əzilmiş ağ pendir və 2 ədəd çiy yumurtanı da əlavə edərək yaxşıca qarışdırın.

Qatı konsistensiyalı bir xəmir əldə etdikdən sonra əlinizlə və ya qaşıqla yastı, yuvarlaq küftə forması verin.

Tavada yağı yaxşıca qızdırın. Kükünü hər iki tərəfi qızılı rəng alana qədər qızardın.

Artıq yağın çəkilməsi üçün kağız dəsmalın üzərinə düzün və isti halda servis edin.

Lalə Qüdrətova
Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ