Dünya

Zelenski müharibədə tərəfini seçdi

4 Mart 2026 00:39
Baxış: 2 463
VTB-də minimal faiz dərəcəsi ilə nağd kredit 9.9%-dən
#UKRAYNA

Ukrayna lideri Volodimir Zelenski İranın onilliklər boyu bölgədə sabitliyi pozmaq üçün investisiya yatırdığını və indi də Rusiyaya dəstək verərək Ukrayna xalqının qatilinə çevrildiyini bəyan edib.

Milli.Az xəbər verir ki, Zelenski etdiyi kəskin çıxışda İranın hərbi fəaliyyətlərini pisləyib.

"İran rejimi onilliklər boyu qonşularının və əli çatdığı hər yerdə insanların həyatını məhv etməyə sərmayə qoyub. Bu təməldə onlar Ukraynaya qarşı müharibədə Rusiyanın cinayət ortağı oldular," - deyə o, bildirib.

Ukrayna prezidenti vurğulayıb ki, Tehran rəhbərliyi insanların ölümünə səbəb olan bütün cəhdlərinə görə cavab verməlidir.

Münaqişənin regional xarakter almasından sonra Zelenski diplomatik fəallığını artırıb.

Zelenski Birləşmiş Ərəb Əmirlikləri Prezidenti və Qətər Əmiri ilə telefon danışığı apardığını açıqlayıb.

Ukraynanın müharibə və zorakılığın yayılmasına qarşı müqavimət göstərən ölkələrlə həmrəy olduğunu qeyd edib.

Ukrayna səmasında istifadə olunan İran istehsalı dronlara diqqət çəkən Zelenski, ölkəsinin bu sahədəki üstünlüyünü vurğulayıb.

"Şahid" tipli pilotsuz uçuş aparatlarına (PUA) qarşı mübarizədə Ukraynanın dünyada ən qabaqcıl təcrübəyə malik olduğunu deyib.

Zelenski bu sahədəki hərbi təcrübəni Körfəz ölkələri ilə bölüşməyə hazır olduqlarını, lakin bunun Ukraynanın daxili müdafiə qabiliyyətinə zərər verməməli olduğunu bildirib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.