Şou-biznes

"Görən heç kim 47 yaşımın olmasına İNANMIR"

3 Mart 2026 17:10
Baxış: 2 395
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #SOSİAL ŞƏBƏKƏLƏR #RƏQQASƏ

Rəqqasə Fətəliyeva sosial şəbəkədə ünvanına yazılan mənfi rəylərə sərt reaksiya verib.

Milli.Az xəbər verir ki, sənətçi xarici görünüşü ilə bağlı müzakirələrə münasibət bildirərək, heç kimdən necə göründüyü barədə fikir istəmədiyini deyib.

O, vurğulayıb ki, paylaşdığı videoda gözəlliyindən danışmayıb və bu mövzunun qabardılmasını doğru hesab etmir: "Mən sizdən necə göründüyümü soruşmamışam. Videomda da gözəlliyimdən bəhs etməmişəm".

47 yaşında olduğunu xatırladan Fətəliyeva canlı görənlərin əksəriyyətinin ona bu yaşı vermədiyini bildirib. "1-2 nəfər yalan fikir söyləyə bilər, amma məni yaxından görən heç kim heç vaxt yaşımı vermir".

Sənətçi ailəsi ilə fəxr etdiyini də xüsusi vurğulayıb: iki oğlu, bir qızı və iki nəvəsi olduğunu bildirərək, əsas qazancının övladları olduğunu deyib. "Güzgü gözəl şeydir, baxıram və şükür edirəm", - sözləri ilə o, həyatından razı olduğunu ifadə edib.

Estetik müdaxilələrə də toxunan rəqqasə bunun şəxsi seçim olduğunu deyib: "Ola bilər nəsə edilib, amma elə insanlar var ki, çox estetik etdirirlər, yenə də bir faydası olmur. Yaşlandıqca üzümə nur gəlir, xain deyiləm. Yazdıqlarınız deyil, qəlbimin təmiz olması məni gözəl göstərir".

Onun bu açıqlamaları sosial şəbəkələrdə geniş müzakirələrə səbəb olub. Bir çox izləyici sənətçiyə dəstək versə də, mövzu ətrafında fərqli fikirlər səsləndirilməyə davam edir.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.