İdman

"İnter" "Qalatasaray"ın oyunçusuna "elçi düşdü" - FOTO

15 Yanvar 2026 17:37

Baxış: 2 248

VTB-də minimal faiz dərəcəsi ilə nağd kredit 9.9%-dən

#İDMAN #TÜRKİYƏ #TRANSFERLƏR #QALATASARAY #FUTBOL #SERİYA A

"Qalatasaray" klubunun parlaq müdafiəçisi Vilfrid Sinqo karyerasını İtaliya A Seriyasının güclü klublarından "İnter"də davam etdirmək şansı qazanıb.

Milli.Az xəbər verir ki, "Qalatasaray"ın mövsümün əvvəlində heyətinə qatdığı Vilfrid Sinqo ilə bağlı gözlənilməz bir inkişaf baş verib. Zədələr səbəbindən oyun vaxtı qazanmaqda çətinlik çəkən ulduz oyunçu iki tanınmış İtaliya klubuna təklif olunub.

"Qalatasaray"ın yay transfer pəncərəsi zamanı "Monako"dan 30 milyon avroya transfer etdiyi Vilfrid Sinqo bir sıra zədələr səbəbindən müntəzəm oyun təcrübəsi qazana bilməyib. Zədələr səbəbindən artıq 13 oyunu buraxan Sinqonun gələcəyi ilə bağlı yeni irəliləyişlər var.

İtaliya mediası agentlərin Sinqonu "İnter" və "Yuventus"a təklif etdiyini bildirmişdi. Futbolçunun "İnter"ə təklif olunduğu təsdiqlənib.

"İnter" hələ Sinqo üçün təklifi qiymətləndirməsə də, oyunçunun İngiltərə Premyer Liqasından da maraq dairəsinə düşdüyü bildirilir.

Qeyd edək ki, Vilfrid Sinqo "Qalatasaray"ın heyətində Super Liqa və Çempionlar Liqasında ümumilikdə 10 oyun keçirib və 583 dəqiqə meydanda olub.

Milli.Az