Amerika

Venesuelanın müxalifət lideri Maçado Trampla görüşdü

15 Yanvar 2026 23:16

Baxış: 1 434

VTB-də minimal faiz dərəcəsi ilə nağd kredit 9.9%-dən

#VENESUELA

ABŞ Prezidenti Donald Tramp Venesuela müxalifətinin lideri Mariya Korina Maçado ilə Ağ Evdə görüşüb.

Milli.Az xəbər verir ki, Görüşdən sonra verilən bəyanatda Vaşinqtonun müxalifətə dəstəyinin tam olduğu, lakin Venesuelada seçkilərin keçirilməsi üçün hələlik konkret vaxtın müəyyən edilmədiyi bildirilib.

Vaşinqtonda baş tutan görüşdə Maçado Tramp ilə nahar edərək Venesuelanın gələcək idarəçiliyində öz rolunu və ABŞ-nin dəstəyini müzakirə edib. Ağ Ev rəsmiləri bildiriblər ki, Prezident Tramp Maçadonun Venesuela xalqı arasındakı nüfuzunu və ona olan kütləvi dəstəyi "realist şəkildə" qiymətləndirir və onu ölkənin demokratik gələcəyi üçün əsas fiqur hesab edir.

Görüşün mühüm nəticələrindən biri odur ki, ABŞ administrasiyası Venesuelada yeni seçkilərin nə vaxt keçiriləcəyi ilə bağlı heç bir rəsmi təqvim açıqlamayıb. Ağ Ev bu məsələdə ehtiyatlı davranaraq, əsas diqqətin hazırda hakimiyyət keçidi və xalqın iradəsinin qorunmasına yönəldiyini vurğulayıb.

Lalə Qüdrətova
Milli.Az