Şou-biznes

Oktay Kaynarca "Kim Milyoner Olmak İster"dən ayrılır?

15 Yanvar 2026 20:18
Baxış: 1 914
VTB-də minimal faiz dərəcəsi ilə nağd kredit 9.9%-dən
#AKTYOR

İstanbulda aparılan genişmiqyaslı narkotik istintaqı çərçivəsində saxlanılan və məhkəmə nəzarəti şərti ilə sərbəst buraxılan məşhur aktyor Oktay Kaynarcanın ATV-dəki gələcəyi sual altındadır. İddialara görə, kanal rəhbərliyi aktyorun təqdim etdiyi "Kim Milyoner Olmak İster" proqramı ilə bağlı kəskin qərar verməyə hazırlaşır.

Milli.Az xəbər verir ki, aralarında Oktay Kaynarca və Emel Müftüoğlunun da olduğu 6 şübhəli jandarma tərəfindən saxlanılıb. Məhkəmə Tibb Qurumunda qan, saç və sidik nümunələri alınan şübhəlilərdən 2-si həbs edilib. Kaynarca və Müftüoğlu isə ev dustaqlığı tələbi rədd edilərək, ölkədən çıxış qadağası qoyulmaqla sərbəst buraxılıblar.

İstintaq materiallarında yer alan və həbs edilən Rabia Karacanın ifadələri böyük səs-küyə səbəb olub. Karaca ifadəsində narkotik və fuhuş partiyalarının təşkil edildiyini, bu məclislərdə Oktay Kaynarcanın da iştirak etdiyini və ona "qadın hədiyyə edildiyini" iddia edib. Oktay Kaynarca isə ilkin ifadəsində bu ittihamları qətiyyətlə rədd edərək, sözügedən şəxslərlə yaxın dostluğu və qeyd olunan hadisələr haqqında deyilənlərin yalan olduğunu bildirib.

Hadisələrin böyüməsi və ağır ittihamların mətbuata sızmasından sonra ATV rəhbərliyinin hərəkətə keçdiyi bildirilir. Kulis məlumatlarına görə, kanalın imicinə xələl gəlməməsi üçün "Kim Milyoner Olmak İster" yarışmasının aparıcısı Oktay Kaynarca ilə yolların ayrılması gündəmdədir. Hələlik kanal rəhbərliyindən rəsmi bir açıqlama gəlməsə də, yaxın günlərdə proqramın yeni bir aparıcı ilə davam edəcəyi və ya yayımının dayandırılacağı gözlənilir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.