Sağlamlıq

Qidalarda geniş istifadə olunan boya şəkərli diabet yaradır

15 İyul 2025 02:02
Baxış: 1 274
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #QİDA

Tsyasin Nanhu Universitetinin çinli alimləri sübut ediblər ki, qida sənayesində məhsullara ağ rəng vermək üçün geniş istifadə olunan titan dioksid (E171) ciddi metabolik pozğunluqlara səbəb ola bilər.

Milli.Az-ın xəbərinə görə, tədqiqatın nəticələri "Food and Chemical Toxicology" (FCT) elmi jurnalında dərc olunub.

Siçanlar üzərində aparılan təcrübələr göstərib ki, bu əlavənin nanohissəcikləri qanda şəkərin səviyyəsini tənzimləyən bağırsaq hormonlarının işini pozur.

"E171"in məşhur qida məhsullarında - konfet və peçenyelərdən tutmuş saqqızlara qədər olması xüsusi narahatlıq doğurur. Araşdırmanın müəllifləri bildiriblər ki, titan dioksid nanohissəcikləri 2-ci tip diabet, piylənmə və insulin müqavimətinin inkişafına kömək edə bilər.

Testlər "E171" verilmiş siçanların qanda qlükoza səviyyəsini əhəmiyyətli dərəcədə artırdığını və vacib həzm hormonlarının istehsalını pozduğunu müəyyən edib.

Mütəxəssislər istehlakçılara məhsulların tərkibini diqqətlə oxumağı və titan dioksidi (TiO2 və ya E171) siyahısında olanlardan, xüsusən də uşaq qidalarında və tez-tez istehlak edilən məhsullardan çəkinməyi tövsiyə edib. /"Report"

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.