Sağlamlıq

Təbiətdə vaxt keçirən uşaqlar daha dözümlü olurlar

15 Aprel 2025 13:15

Baxış: 400

VTB-də minimal faiz dərəcəsi ilə nağd kredit 10.49%-dən

#SAĞLAMLIQ

Torpaqla tanış olan, yəni təbiətlə daha çox vaxt keçirən, palçıqla çirklənən, torpaqda oynayan uşaqlar həm fiziki, həm də psixoloji cəhətdən daha möhkəm olurlar.

Milli.Az medicina.az-a istinadən xəbər verir ki, bunun bir neçə əsas səbəbi var:

İmmunitet sisteminin gücləndirilməsi

Təbiətdə çox vaxt keçirmək uşaqların immun sistemlərinin təbii şəkildə inkişafına kömək edir.

Gigiyena

Həddindən artıq gigiyenik mühitlərdə böyüyən uşaqların immun sistemi zəif olur, bu da allergiya, astma və hətta otoimmün xəstəliklərə səbəb ola bilər.

Stresslə mübarizə

Təbiətlə təmas uşaqlarda kortizol (stress hormonu) səviyyəsini azaldır.

Torpaqla oynamaq, yalın ayaqla torpağa basmaq kimi fəaliyyətlər sinir sistemini sakitləşdirir və sakitləşdirici təsir yaradır.

Emosional hislər

Torpaq, daş, palçıq və su kimi təbii materiallarla oynamaq uşaqların sensor inteqrasiyasını və incə-kobud motor bacarıqlarını yaxşılaşdırır.

Bu, onları fiziki cəhətdən daha çevik və davamlı edir.

Psixologiyaya təsiri

Təbiətdə oyun ümumiyyətlə daha sərbəstdir.

Uşaq yıxılır, qalxır, çirklənir, risk alır. Bu, onların problem həll etmə bacarıqlarını və özünə inamını artırır.

Bu cür təcrübələr uşaqlara zehni elastiklik qazanmağa kömək edir.

Yaxşı yuxu və daha az ekran vaxtı

Açıq havada vaxt keçirmək ekran vaxtını azaldır və gnəş işığına məruz qalma da yuxu rejiminə müsbət təsir göstərir.