Sağlamlıq

Alimlər beyində "ruhları digər dünyaya daşıyan" neyrokimyəvi maddə AŞKARLADI

24 Mart 2025 02:02

Baxış: 1 071

VTB-də minimal faiz dərəcəsi ilə nağd kredit 10.49%-dən

#MARAQLI #SAĞLAMLIQ

Son araşdırmalara görə, DMT (N,N-Dimetiltriptamin) adlı psixodelik neyrokimyəvi maddə insan beynində ölümə yaxın anlarda ifraz olunur və canlı hallüsinasiya təcrübələrinə səbəb ola bilər.

Milli.Az xəbər verir ki, Londondakı İmperial Kolleci tədqiqatçıları bu maddənin insan şüurunu "o biri dünyaya" aparan bir vasitə ola biləcəyini müəyyən ediblər. DMT bitkilərdə, heyvanlarda və hətta insan beynində təbii olaraq mövcuddur.

Ölümdən qayıdan insanların təcrübələri

Kliniki ölüm keçirən, komadan çıxan və ya ürəyi dayandıqdan sonra yenidən işləyən bir çox insan ölmüş yaxınları ilə qarşılaşdıqlarını, cənnəti gördüklərini və ya Tanrının səsini eşitdiklərini bildirir.
Londondakı Qrinviç Universitetinin psixologiya üzrə dosenti David Luk ölüm anında beyində DMT-nin yüksək səviyyədə ifraz edildiyinə dair bəzi sübutların olduğunu qeyd edir.
Bu fenomen heyvanlar üzərində aparılan tədqiqatlarda da müşahidə olunub. Məsələn, siçanlarla aparılan təcrübələr göstərib ki, onların beyni bu psixoaktiv nörokimyəvi maddəni ifraz edir və ölüm anından dərhal əvvəl DMT səviyyəsi kəskin şəkildə yüksəlir.

DMT və ölüm təcrübələri arasındakı əlaqə araşdırılır

Bu tədqiqatlar insanların ölümə yaxın anlarda gördüyü vizualları və yaşadığı hallüsinasiya təcrübələrinin həqiqətən DMT ilə əlaqəli olub-olmadığını anlamaq üçün daha geniş miqyaslı araşdırmalara ehtiyac olduğunu göstərir.
Bu kəşf, insan şüurunun ölüm anında necə dəyişdiyini və mistik təcrübələrin nevrobioloji əsaslarını daha dərindən başa düşməyə kömək edə bilər. /Qaynarinfo

Milli.Az