Sağlamlıq

10 yaş cavanlaşdıran qidalar - bahası da var, ucuzu da... - FOTO

16 Yanvar 2025 07:01

Baxış: 1 429

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

"The American Journal of Clinical Nutrition"da dərc olunmuş 2023-cü ildə aparılan araşdırmaya görə, son araşdırmalar göstərir ki, pəhrizinizi dəyişdirmək uzunömürlülüyün açarıdır. Hətta sadə dəyişikliklərin ömrümüzü on ilədək uzada biləcəyini göstərir.

Milli.Az xəbər verir ki, pendirlər, qəhvə, şalğam, nar, yer fıstığı, avokado, şokolad və siyah kimyon toxumu kimi qidalar, uzun ömrü dəstəkləyən və müxtəlif sağlamlıq faydaları təmin edən təbii məhsullardır.

Pendir xüsusilə çedar və parmesan kimi sərt növləri, spermidin adlı bir proteinlə zəngindir. Bu maddə hüceyrə bərpası və təmizlik mexanizmi olan otofajini tənzimləyərək yaşlanma prosesini yavaşladır.

Qəhvə içindəki klorojenik asidlə qan şəkərinin tənzimlənməsinə kömək edir və şəkərli qidaların yaratdığı qan şəkəri artışlarını önləyir. Həmçinin, müntəzəm qəhvə istehlakı, daha uzun yaşama ilə əlaqələndirilir.

Şalgam brokoli və qara lahana kimi güclü turpgillərdən biridir və bir çox sağlamlıq faydası təqdim edir. Nar isə güclü antioksidantlarla zəngin olaraq, metabolizmanı yaxşılaşdırır, qan təzyiqini aşağı salır və xərçəngə qarşı qoruyur. Eyni zamanda, yaşlanmaya qarşı mübarizə apararaq cildin gənc qalmasına kömək edir.

Yer fıstığı və fıstıq əzməsi ürək sağlamlığını yaxşılaşdıran və metabolizmə faydalı olan fitosterollarla zəngindir. Həmçinin, avokadoların tərkibindəki oleik asid, ürək-damar sağlamlığını dəstəkləyir.

Şokolad xüsusən də yüksək kakao tərkibli olan bitter şokolad, ürək-damar xəstəliklərini azaldır və beyin funksiyalarını gücləndirir. Siyah kimyon toxumu isə, antiinflamatuar və antioksidant xüsusiyyətləri ilə müxtəlif sağlamlıq problemlərinə qarşı qoruyucu təsir göstərir.