Sağlamlıq

İnsanlar bu iki yaş dövründə birdən-birə qocalır

13 Sentyabr 2024 22:00

Baxış: 11 089

#SAĞLAMLIQ

Səhər yuxudan oyandığınız zaman güzgüyə baxarkən birdən-birə müəyyən qədər qocaldığınızı düşünə bilərsiniz. Alimlərin yeni araşdırmasına görə, bu ani qocalmalar müəyyən yaş dövrlərində baş verir.

Milli.Az publika.az-a istinadən xəbər verir ki, bu barədə Stanford Universitetinin alimləri tədqiqat aparırlar.

Onlar yaşlanma ilə əlaqəli molekulyar dəyişiklikləri araşdırıblar. Nəticədə alzheimer və ürək-damar xəstəliklərində bu riskin tədricən deyil, müəyyən yaşdan sonra kəskin şəkildə artdığını müəyyən ediblər. Məlum olub ki, insanlar orta hesabla 44 və 60 yaşlarında iki əsas qırılma nöqtəsi yaşayırlar.

"Zamanla, yavaş-yavaş dəyişmirik. Biz həqiqətən təəccüblü dəyişikliklər görürük", - tədqiqatın baş müəllifi olan Maykl Snayder deyib.

Snayder və onun həmkarları əsasən qocalma ilə gələn xəstəlikləri yüngülləşdirmək və mümkünsə müalicə etmək üçün bu tədqiqatı aparır. Bu məqsədlə 108 yetkin şəxs illər ərzində bir neçə aydan bir bioloji nümunələr bağışlayıb.

Hər bir iştirakçı 626 gün ərzində orta hesabla 47 nümunə təqdim edib. Bu, tədqiqatçıların araşdırma şansı əldə etdiyi 246 milyarddan çox məlumat nöqtəsi deməkdir.

Tədqiq etdikləri bütün molekulların təxminən 81 faizi bu mərhələlərin birində və ya hər ikisində dəyişikliklər göstərib. Dəyişikliklər bir qədər fərqli olmaqla, 40 və 60 yaş aralığında pik həddə çatır.

İlk zirvə 40-lı yaşlarda, adətən qadınlar menopoz və ya perimenopauzaya girməyə başlayanda olur. 60-lı yaşların əvvəlləri isə pik karbohidrat və kofein mübadiləsi, ürək-damar xəstəlikləri, dəri və əzələlər, immun tənzimlənməsi və böyrək funksiyası ilə əlaqələndirilir.

Hazırda davam edən tədqiqatlar gələcəkdə insan bədəninin zamanla necə dəyişdiyini daha yaxşı başa düşməyə kömək edə bilər.

Milli.Az
Xəbərlərimizi WhatsApp kanalımızdan da oxuyun