İdman

Sensasiya: Cəmi 1500 sakini olan qəsəbə klubu ölkə çempionu oldu

21 Oktyabr 2025 13:41

Baxış: 1 392

VTB-də minimal faiz dərəcəsi ilə nağd kredit 9.9%-dən

#MARAQLI #FUTBOL #İSVEÇ

İsveç futbolunda tarixi hadisə baş verib. Əhalisi 1 500 nəfərdən az olan Hallevik qəsəbəsini təmsil edən "Myöllbü" klubu ilk dəfə ölkə çempionatının qalibi adını qazanıb.

Milli.Az xarici mətbuata istinadən xəbər verir ki, komanda çempionatın 27-ci turunda səfərdə "Göteborq" üzərində 2:0 hesablı qələbə qazanaraq xallarını 66-ya yüksəldib və sona bir neçə tur qalmış qızıl medalları təmin edib.

Lideri izləyən Stokholmun "Hammarbü" klubu isə onlardan 11 xal geri qalaraq ikinci pillədə qərarlaşıb.

Qeyd edək ki, "Myöllbü" 1939-cu ildə yaradılıb və bu nailiyyət klub tarixində ən böyük uğur sayılır. Komandanın İsveç çempionatında bundan əvvəlki ən yaxşı nəticəsi ötən mövsüm əldə etdiyi beşinci yer idi.

Hüseyn
Milli.Az