Sağlamlıq

Qan təzyiqi miqren riskini artırırmı?

4 Avqust 2024 14:17

Baxış: 1 202

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #XƏSTƏLİK

Niderlandın Erasmus Universiteti Tibb Mərkəzinin alimləri müəyyən ediblər ki, yüksək qan təzyiqi (xüsusilə diastolik, "aşağı") qadınlarda miqren inkişaf riskini artırır.

Milli.Az oxu.az-a istinadən bildirir ki, araşdırmada orta yaşı 67 olan 7266 kişi və qadın iştirak edib. Qeyd edilir ki, subyektlərin 15%-i keçmişdə və ya iştirak zamanı miqrendən əziyyət çəkib. Bütün iştirakçılar tibbi müayinədən keçirilib və laboratoriya analizləri üçün qan nümunələri təqdim edilib. Onların həyat tərzləri, pis vərdişləri də qeydə alınıb. Bundan əlavə, könüllülər miqren ağrılarının tezliyi və onların gündəlik fəaliyyətlərinə təsir edən şiddətli baş ağrılarının olub-olmadığını barədə məlumat veriblər.

Fiziki fəaliyyət səviyyəsi, təhsil, çəki, cins, yaş və digər amillərə uyğunlaşdıqdan sonra tədqiqatçılar diastolik qan təzyiqi yüksəlmiş qadın subyektlərin miqren olma ehtimalının 16% daha çox olduğunu aşkar ediblər.

Alimlər, həmçinin müəyyən ediblər ki, piylənmə və yüksək qan xolesterolu bu xəstəliyin inkişaf riskinə heç bir təsir göstərmir. Bunun əksinə olaraq, siqaret çəkmə miqren ehtimalının azalması ilə əlaqələndirilib. Kişi iştirakçılarda tədqiqatçılar ürək-damar risk faktorları ilə miqren arasında heç bir əlaqə tapılmayıb.

Milli.Az

Xəbərlərimizi WhatsApp kanalımızdan da oxuyun