Sağlamlıq

Alimlər təəccüb içindədir: Piylənmə insanı demensiyadan qoruyur?

25 May 2024 00:40
Baxış: 743
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Demansiya nisbətlərinin azaldığı halda piylənmə nisbətlərinin niyə artdığını anlamağa çalışan mütəxəssislər araşdırmaları nəticəsində diqqətəlayiq məlumatlar əldə ediblər.

Orta yaşda piylənmənin yaşlandıqca demensiyanın inkişafı üçün aparıcı risk faktoru olduğu çoxdan bilinir. Qeyd edilir ki, orta yaşda piylənmə, xüsusilə beyinə qan axını azaldıqda meydana gələn damar demensiyası üçün mühüm risk faktoru hesab olunur. Piylənmə bütün bədəndəki qan damarlarına zərər verə bilən yüksək qan təzyiqi riskidir. O, həmçinin damarlarda lövhə yığılmasını artıraraq qan axınının yavaşlamasına səbəb ola bilər.

Amma maraqlısı odur ki, 65 yaşdan sonra bu vəziyyət dəyişir. Belə ki, bu yaş həddindən sonra artıq çəkiyə sahib olmağın beynə təsir edən xəstəliklərə qarşı qoruyucu funksiyası olduğu aşkarlanıb.

Milli.Az medicina.az-a istinadən xəbər verir ki, bu iki ziddiyyətli faktı tədqiqatçılar "piylənmə paradoksu" adlandırıblar. Beləliklə, piylənmənin bütün hallarda insan sağlamlığı üçün zərərli olduğuna dair ənənəvi inanca zərbə vurulur.

Paradoksun əsas səbəbi isə hələlik məlum deyil.

Mütəxəssislər, kök insanların həkimlərlə daha çox təmasda olduqlarını və bunun da riski azaltmış ola biləcəyini bildirirlər.

Araşdırmanın nəticələri "JAMA Neurology" jurnalında dərc edilib.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.