Gürcüstan

Bu gündən Gürcüstana quru yolla səfər edə biləcəyik, amma arayış tələb olunur

1 İyun 2021 12:34

Baxış: 2 476

VTB-də minimal faiz dərəcəsi ilə nağd kredit 9.9%-dən

#GÜRCÜSTAN

Xəbər verdiyimiz kimi, bu gündən etibarən Azərbaycandan Gürcüstana quru yolla səfər etmək mümkün olacaq.

Milli.Az xəbər verir ki, Gürcüstana daxil olacaq şəxslərdən son 72 saat ərzində aparılan PCR testinin mənfi nəticəsini təsdiqləyən arayış tələb ediləcək. Koronavirusa qarşı tam peyvəndlənmə kursunu keçənlər də həmin sənədi təqdim etməli olacaqlar.

Ziyarətçilər Gürcüstanda uzun müddət ərzində qalacaqları təqdirdə 72 saatın tamamında öz hesablarına təkrar test yoxlamasından keçməli olacaqlar. Əks təqdirdə 2 min lari (614 ABŞ dolları) məbləğində cərimə nəzərdə tutulub. Arayış tələbi yaşından asılı olmayaraq uşaqlara da şamil edilir.

Əcnəbi vətəndaşlara COVID-19-dan müalicəni nəzərdə tutan tibbi sığorta əldə etmək tövsiyə olunub.

Azərbaycan hazırda quru sərhədlərini açmadığı üçün yalnız Operativ Qərargah tərəfindən xüsusi icazəsi olan şəxslər bu yolla ölkədən çıxa bilər.

Milli.Az