Universitetlərimiz Avropada neçəncidir? - Reytinq sıralaması

Ali təhsil sahəsi üzrə dünyanın aparıcı tədqiqat və reytinq siyahılarını təqdim edən "QS Quacquarelli Symonds" təşkilatı Avropanın ən yaxşı universitetlərinin reytinqini açıqlayıb. Sözügedən siyahıda təmsil olunan 9 Azərbaycan universitetindən 7-nin mövqeyində ötən ilə nisbətən irəliləmə müşahidə edilib.

Bu barədə Milli.Az-a Elm və Təhsil Nazirliyindən məlumat verilib.

Bildirilib ki, Sumqayıt Dövlət Universiteti isə ilk dəfə "Avropanın ən yaxşı universitetlərinin reytinq siyahısı"na daxil olub.

Qeyd edilib ki, Avropanın ən yaxşı universitetlərinin reytinq siyahısında Cənubi Qafqaz regionu üzrə Azərbaycan ən çox sayda universitetlə təmsil olunur.

Milli.Az