İqtisadiyyat

"Fitch Ratings" Azərbaycanda ÜDM-in artımını proqnozlaşdırır

15 May 2021 17:37
Baxış: 394

2021-ci ildə Azərbaycanda ümumi daxili məhsulun (ÜDM) real artımı 2,1 faiz səviyyəsində proqnozlaşdırılır.

Trend bu barədə "Fitch Ratings" agentliyinin hesabatına istinadən məlumat verir.

Qeyd olunur ki, bu göstərici 2022-ci ildə 2,9 faizədək artacaq.

Hesabata əsasən, neft hasilatının mərhələli şəkildə artırılması və qeyri-neft ÜDM-nin bərpası 2021-ci ilin ikinci yarısından fəallığın artımını dəstəkləyəcək: "2022-ci ildə neft və qaz hasilatı gücünün eyni səviyyədə qalması, daha sonra mərhələli şəkildə azalması gözlənilir".

Agentlik hesab edir ki, Azərbaycanın geniş enerji resursları, xüsusilə qaz ehtiyatları növbəti 10 il ərzində ölkə iqtisadiyyatının artımını təmin edəcək.

"Fitch", həmçinin əməliyyat mühiti üzrə proqnozu "mənfi"dən "sabit"ə dəyişib: "2021-ci ilin birinci rübünün sonunda depozitlərin dollarlaşması əmsalı 55 faizədək azalıb".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.