İqtisadiyyat

Avronun manata qarşı məzənnəsi biraylıq minimuma enib

5 Mart 2021 12:34

Baxış: 655

Martın 5-də avronun Azərbaycan manatına qarşı rəsmi məzənnəsi 2,0327 manata enib və bu, son bir ayda qeydə alınmış ən aşağı göstəricidir.

Milli.Az APA-ya istinadən bildirir ki, sonuncu dəfə avronun manata qarşı məzənnəsinin ən aşağı səviyyəsi 2021-ci ilin fevralın 5-də qeydə alınmışdı - 2,0322 manat.

Qeyd edək ki, 2021-ci ilin yanvarın 7-də avronun manata qarşı məzənnəsi 2,0958 manata çataraq 32 aylıq maksimumu yeniləmişdi. Həmin tarixdən avro manata nisbətdə 3,01% dəyər itirib.

Xatırladaq ki, Mərkəzi Bankın bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat təşkil edib, 1 Rusiya rublu 0,0228 manata, 1 türk lirənin məzənnəsi isə 0,2261 manata enib.

Milli.Az