İqtisadiyyat

JOCAP "Abşeron" yatağının işlənməsi ilə bağlı son işlər barədə

24 Noyabr 2020 13:40
Baxış: 425

2021-ci ilin 2-ci rübündə "Abşeron" yatağının işlənməsinin 1-ci fazası üzrə layihə öncəsi tədqiqatlara başlamaq məqsədi ilə nəzarət və konseptual işlənmə tədqiqatı davam etdirilir.

Milli.Az bildirir ki, bunu Trend-ə JOCAP (Joined Operating Company Absheron Petroleum) şirkətindən bildiriblər.

Şirkətdən verilən açıqlamaya görə, Neft Daşlarının yaxınlığında Qurban Abasov gəmisi ilə platformanın dayaq bloklarının quraşdırılması 31 oktyabr tarixində başlamışdır və 2021-ci ilin 2-ci rübündə başa çatdırılmalıdır:

"ABD-001 quyusu ilə Neft Daşlarının qəbuledici qurğularının arasında boruların tikintisinə başlamaq üçün borudüzən barjın mobilizasiyası 2020-ci ilin dekabr ayının sonuna planlaşdırılır və bu işlərin 2021-ci ilin 2-ci rübünə tamamlanması gözlənilir".

Qeyd edək ki, SOCAR-ın qiymətləndirmələrinə görə, "Abşeron" yatağının potensial ehtiyatları 350 mlrd. kubmetr qaz və 45 mln. ton kondensat təşkil edir. "Abşeron" dəniz blokunun kəşfiyyatı, işlənməsi və hasilatın pay bölgüsünə dair saziş 2009-cu ildə imzalanıb. Hazırda layihənin iştirakçıları SOCAR (50%) və "Total" (50%) şirkətləridir. Yatağın operatoru "SOCAR Absheron" və "Total E&P Absheron" törəmə şirkətlərinin bərabər paylarla iştirak etdiyi JOCAP (Joined Operating Company Absheron Petroleum) birgə müəssisəsidir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.