İdman

İnfantino Bakıdan paylaşım etdi - (Video)

29 Sentyabr 2026 22:46

Baxış: 227

VTB-də minimal faiz dərəcəsi ilə nağd kredit 9.9%-dən

#VİDEO #FUTBOL

Xəbər verdiyimiz kimi, Prezident İlham Əliyev bu gün Bakıda səfərdə olan FIFA prezidenti Canni İnfantinonu qəbul edib.

Milli.Az-ın məlumatına görə, görüşdən sonra FIFA prezidenti rəsmi sosial şəbəkə hesabında Bakı səfəri ilə bağlı təəssüratlarını bölüşüb.

İnfantino paylaşımında Bakıda möhtəşəm və məhsuldar bir gün keçirdiyini vurğulayıb:

"Tarixdə ilk dəfə təşkil olunacaq FIFA U-15 Dünya Çempionatı və Festivalına hazırlaşarkən Bakıda həqiqətən möhtəşəm və məhsuldar bir gün keçirdim! Dünyanın 190 ölkəsini bir araya gətirən bu turnir planetin ən böyük futbol bayramına çevriləcək. Azərbaycan Prezidenti Zati-aliləri İlham Əliyev ilə görüşmək, gələn ay keçiriləcək U-15 turnirini və 2027-ci ildə Özbəkistanla birgə ev sahibliyi edəcəyimiz FIFA U-20 Dünya Çempionatını müzakirə etmək mənim üçün böyük şərəf idi".

FIFA rəhbəri həmçinin AFFA prezidenti Rövşən Nəcəf ilə birlikdə 10 futbol meydançası, 1000-ə yaxın oyun və 4000 uşağın iştirak edəcəyi nəhəng idman kompleksinin yerləşdiyi əraziyə baş çəkdiklərini də bildirib.

Xatırladaq ki, gələn ay ölkəmizdə 15 yaşadək futbolçular arasında ilk dəfə FIFA U-15 Dünya Çempionatı və Festivalı keçiriləcək. Həmçinin 2027-ci ildə Azərbaycan Özbəkistanla birgə 20 yaşadək futbolçular arasında Dünya Çempionatına (FIFA U-20 World Cup) ev sahibliyi edəcək.

Müəllif: Ülkər Vəliyeva (Milli.Az redaktor)