İqtisadiyyat

Azərbaycan şərabları Hindistan və Vyetnama ixrac oluna bilər

28 Fevral 2019 10:37
1 Şərh     Baxış: 630

Şəmkirdə yerləşən "Şərq ulduzu" MMC şərabçılıq müəssisəsi yeni xarici bazarlara məhsul ixracını təşkil etməyə hazırlaşır.

Milli.Az bildirir ki, bunu Trend-ə şirkətin rəhbəri Əsgər Alırzayev deyib.

Onun sözlərinə görə, bu il şirkət Hindistan və Vyetnama şərab ixrac etməyi planlaşdırır:

"Bundan başqa, ehtiyatda Rusiya və Çin kimi ənənəvi bazarlar var. Biz bu ölkələrə tədarükü artırmağı planlaşdırırıq. Bundan əvvəl biz Monqolustana ixracı təşkil etməyi nəzərdə tutmuşduq. Monqolustan bazarında Azərbaycan məhsullarına maraq var, amma logistika ilə bağlı müəyyən problemlər mövcuddur. Biz indi bu ölkəyə çıxış üçün optimal variantlar axtarırıq və hesab edirik ki, ortamüddətli perspektivdə Monqolustana məhsulumuzu ixrac edə biləcəyik".

Qeyd edək ki, "Şərq ulduzu" MMC-yə məxsus plantasiyalarda "Şardone", "Bayan-Şirey", "Merlot", "Şiraz" üzüm sortları yetişdirilir.

Milli.Az 

loading...

Şərh yaz:

1 Şərh:

  • Anonim
    . · 28 Fevral 10:4810

    Olunsun yaziqlar ilde yuzlerlesi saxta ickiden olur.balke qarsisi alinar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.