İqtisadiyyat

Azərbaycanın bu uğuru görülən işlərin məntiqi nəticəsidir

1 Noyabr 2018 15:20

Baxış: 1 871

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #BİZNES

Dünya Bankının "Doing Business-2019" ("Bizneslə Məşğul olmaq-2019") hesabatının nəticələrinə görə, Azərbaycan 190 ölkə arasında 25-ci yerdə qərarlaşıb. Hesabatda qeyd edilir ki, Azərbaycan iqtisadiyyatı nəzərəçarpacaq dərəcədə yaxşılaşan ölkələr sırasına daxil olub. MDB ölkələri arasında isə Azərbaycan 1-ci yeri tutub.

Xatırladaq ki, "Doing Business-2018" reytinqində Azərbaycan 57-ci yerdə qərarlaşmışdı. Azərbaycanın öz mövqeyini ötən illə müqayisədə 32 pillə yüksəldə bilməsi rekord göstərici hesab edilir.

Azərbaycanın dövlət rəsmiləri bu hesabatın nəticələrini Azərbaycan iqtisadiyyatının bugünkü vəziyyətinə verilən obyektiv qiymət kimi dəyərləndirir və bu uğuru Azərbaycan Prezidenti İlham Əliyevin həyata keçirdiyi məqsədyönlü və düşünülmüş siyasətin məntiqi nəticəsi olduğunu bildirirlər.

Prezident Administrasiyası: Azərbaycanın əldə etdiyi uğurlar Prezident İlham Əliyevin sosial-iqtisadi siyasətinin alternativsizliyini göstərir - FOTO

Milli.Az xəbər verir ki, tanınmış iqtisadçı-ekspert, İqtisadi və Sosial İnkişaf Mərkəzinin (CESD) sədri Vüqar Bayramov da hesab edir ki, Dünya Bankının 2019-cu il üçün "Bizneslə Məşğul olmaq" hesabatında Azərbaycanın mövqeynin kəskin yaxşılaşması son illər görülən işlərin məntiqi nəticəsidir:

"Bankın hesabatına əsasən, Azərbaycan builki qiymətləndirmədə dünya üzrə 25-ci yerdədir və qlobal olaraq ən islahatçı 10 ölkə siyahısına daxildir. Siyahıda ölkəmiz MDB dövlətləri arasında ən yaxşı göstəriciyə malikdir. Hesabata görə, Azərbaycan 2017/2018-ci illərdə 8 islahat həyata keçirərək tədirlərin sayına görə ilk onluqda birincidir. Türkiyə 7 islahat ilə ikincidir.

Dünya Bankının qiymətləndirmələrinə görə, bura tikintiyə icazənin verilməsi üçün bir pəncərə sisteminin formalaşması, elektrik enerjisi əldə etmək üçün ASAN xidmətdən faydalanmaq imkanının, yeni kredit bürosunun yaradılması, əmlak qeydiyyatının asanlaşması kimi fəaliyyətlər daxildir".

İlkin İzzət
Milli.Az