İqtisadiyyat

ARDNŞ Qazaxıstan, Rusiya və Avropada şirkətlər almağı planlaşdırır

30 Aprel 2011 15:27
Baxış: 489
VTB-də minimal faiz dərəcəsi ilə nağd kredit 9.9%-dən
#AZERBAİJAN #RUSSİA #PETKİM PETROKİMYA HOLDİNG AS
Azərbaycan Respublikası Dövlət Neft Şirkəti (ARDNŞ) Türkiyəyə 7 ildə 17 milyard dollar sərmayə yatırmağı planlaşdırır. APA-nın "İhlas" xəbər agentliyinə istinadən verdiyi məlumata görə, bu barədə Bursa Ticarət və Sənaye Palatası tərəfindən keçirilmiş tədbirdə "Petkim"in satış və ixracat şöbəsinin müdiri Sakit Səmədov bildirib.

ARDNŞ-in Türkiyəyə yeni sərmayələr yatırmağa hazırlaşdığını deyən S. Səmədovun sözlərinə görə, bu imkanlar hesabına Türkiyənin neft-kimya sektorunda mühüm böyümə olacaq.

"Buraya liman, yeni neftayırma zavodu, yeni neft-kimya müəssisələri və hələ açıqlamadığımız bəzi layihələr daxildir. Qarşıdakı aylarda yeni neftayırma zavodunun yüksək səviyyəli rəsmilərin iştirakı ilə təməlqoymasını keçirəcəyik. "Petkim"in bəzi müəssisələrində istehsal artımları da olacaq", - deyə şirkət rəsmisi əlavə edib.

Azərbaycanda 20 milyard dollarlıq yeni sərmayə proqramının olduğunu deyən S. Səmədov ARDNŞ-in eyni zamanda Qazaxıstan, Rusiya və Avropada bir neçə şirkəti satın alaraq, bu sahədə əhəmiyyətli nəticələr əldə etməyi hədəflədiyini vurğulayıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.