İqtisadiyyat

"UĞUR" Milli Mükafatının təqdimetmə mərasimi keçirilib - YENİLƏNİB - FOTO

25 Aprel 2013 16:52

Baxış: 4 404

#AZERBAİJAN

14:45

Jumeirah Bilgah Beach Hotel-də hər il təşkil olunan iqtisadiyyat və biznes sahəsində "UĞUR" Milli Mükafatının növbəti, sayca 13-cü təqdimetmə mərasimi keçirilib. 2012-ci ilin nəticələrinə görə, 32 yerli və xarici şirkət mükafatın laureatı elan ediliblər. Müxtəlif nominasiyalarda milli iqtisadiyyat və biznesin möhkəmləndirilməsi və inkişafında əhəmiyyətli rol oynamış şirkətlər mükafata layiq görülüb.

Xatırladaq ki, UĞUR" Milli Mükafatı "Consulting&Business" jurnalı tərəfindən 2000-ci ildə təsis olunub. Cari ildə nüfuzlu mükafatın həmtəşkilatçıları Azərbaycan Sahibkarlar Konfederasiyası (ASK) və Azərbaycanda İxracın və İnvestisiyaların Təşviqi Fondu (AZPROMO) olublar.

Təqdimetmə mərasimində çıxış edən təşkilat komitəsinin sədri İbrahim Baharov qeyd edib ki, "Uğur" Milli Mükafatının əsas məqsədi özündə yüksək effektivliyi, sabit inkişaf və sosial məsuliyyəti ehtiva edən şirkətlərin nailiyyətlərini vurğulamaqdır. "Mükafatın laureatları - ictimaiyyətdə nüfuz və etimad qazanmış şirkətlərdir. Uzun illər ərzində uğurlu fəaliyyətləri ilə onlar öz sahələrində lider olduqlarını sübut ediblər. Biz onların uğur və nailiyyətlərini öz qələbəmiz kimi qiymətləndiririk", - deyə İ.Baharov bildirib.

2012-ci il "Uğur" Milli Mükafatının laureatlarının siyahısı:

Azvirt	Beynəlxalq nüfuz
Azpetrol	Sahənin lideri. Yanacaqdoldurma məntəqələri şəbəkəsi
Bank Technique	Dinamik inkişaf edən bank
AtaSığorta	Sığortaçılığın inkişafına verdiyi töhfəyə görə
Finca Azerbaijan	Mikro-maliyyələşdirmə xidmətlərinin göstərilməsində əldə olunan nailiyyətlərə görə
İrşad Elektonics	Elektronika mağazaları şəbəkəsinin yaradılmasında əldə olunan nailiyyətlərə görə
Tutto Bello	Keyfiyyət nişanı. Parket, qapı, mebel, taxta məmulatları və dekorativ bitkilər
Gəncə Şərab 2	Şərabçılığın inkişafına verdiyi töhfəyə görə
Qaradağ Metal Konstruksiya zavodu	Sənaye inşaatına verdiyi xüsusi töhfəyə görə
Baltika Baku	Pivə istehsalında yüksək keyfiyyət standartlarının tətbiqinə verdiyi töhfəyə görə
Mətanət A	İlin uğurla inkişaf edən boya brendi - ROKOL
Performance Center	İlin avtomobil dileri
Avromed	Əczaçılığın inkişafına verdiyi töhfəyə görə
Atlant	Turizmin inkişafına verdiyi töhfəyə görə
İdeal	Populyar dünya brendlərinin Azərbaycanda təmsilçiliyində əldə olunan nailiyyətlərə görə
Çelsi Kapital	Broker xidmətlərinin göstərilməsində əldə olunan nailiyyətlərə görə
Pal Süd	Süd emalı sənayesində əldə olunan nailiyyətlərə görə
Qarabağ Taxıl	Ərzaq təhlükəsizliyinin təmin olunmasına verdiyi töhfəyə görə
Caspian Pipe Coatings	Sualtı və yerüstü magistral boru xətlərinin korroziyaya qarşı və betonla örtüklənməsində əldə olunan nailiyyətlərə görə
Grant Thornton	Korporativ sosial məsuliyyət sahəsində əldə olunan nailiyyətlərə görə
Bakı Taksi	Nəqliyyat xidmətlərinin göstərilməsində əldə olunan nailiyyətlərə görə
Azinterpartlayış - X	Dağ-mədən sənayesinin inkişafına verdiyi töhfəyə görə
Qarabağ Aqrar-sənaye kompleksi	Müasir fermer təsərrüfatının yaradılmasında əldə olunan nailiyyətlərə görə
AQP İnşaat	İnşaat sektorunda əldə olunan nailiyyətlərə görə
Qarabağ Broyler	Quşçuluğun inkişafına verdiyi töhfəyə görə
Azad Azərbaycan	Sahənin lideri. Televiziya şirkəti
Day.Az Media Şirkəti	Sahənin lideri. İnternet şirkəti
Media FM	Sahənin lideri. Radio şirkəti
Günay Malikqızı	İlin PR meneceri
Evrostar	Klininq xidmətlərinin göstərilməsində əldə olunan nailiyyətlərə görə
Luxury Pearl	Keyfiyyət nişanı. Zinət əşyaları
Germaine de Capuccini	Estetik tibbdə müasir xidmət standartlarının tətbiqinə verdiyi töhfəyə görə