İqtisadiyyat

İslam İnkişaf Bankı Azərbaycanda KOB-ların rəqəmsallaşdırılmasını dəstəkləməyə hazırdır

19 May 2025 19:06

Baxış: 956

VTB-də minimal faiz dərəcəsi ilə nağd kredit 9.9%-dən

#SAHİBKAR

İslam İnkişaf Bankı (IsDB) mikro, kiçik və orta sahibkarlığın (KOB) rəqəmsallaşdırılması və inkişafı sahəsində Azərbaycana hərtərəfli dəstək verməyə hazırdır.

Bunu İslam İnkişaf Bankının Əlcəzairdə keçirilən İllik Toplantısında "KOB-ların səlahiyyətlərinin artırılması və sosial-iqtisadi inkişafın təşviqi üçün rəqəmsal həllər" mövzusunda panel müzakirəsi zamanı Trend-in sualını cavablandıran İslam Həmrəyliyi Fondunun (ISFD) baş direktoru vəzifəsini icra edən Adel Əl-Şərif deyib.

"Biz bu mövzu ilə məşğuluq və Azərbaycanda analoji layihələrin həyata keçirilməsi imkanları ilə bağlı çox həvəsliyik. Bankın strategiyasına KOB-lara, o cümlədən, rəqəmsallaşmaya aktiv dəstək daxildir", - o qeyd edib.

Onun sözlərinə görə, dəstək, adətən, iki istiqamətdə həyata keçirilir: texniki yardım və maliyyə dəstəyi. Bu, həm Azərbaycana, həm də banka üzv olan digər ölkələrə aiddir.

"Adətən, proses səlahiyyətli orqan və ya dövlət nümayəndəsinin banka konkret layihə təklifi göndərməsi ilə başlayır. Daha sonra Azərbaycana nəzarət edən regional mərkəzimizin iştirakı ilə baxılır. Biz bu cür dəstəyi mütləq göstərməyə hazırıq", - Adel Əl-Şərif vurğulayıb.