İqtisadiyyat

Mənzil elan saytları vətəndaşları necə aldadır?

10 Sentyabr 2024 13:50
Baxış: 1 041
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Mənzil elan saytlarında yerləşdirilən elanlarda spekulativ addımlar çox müşahidə olunur.

Milli.Az xəbər verir ki, bu barədə Trend-ə əmlak məsələləri üzrə tanınmış ekspert Ramil Osmanlı deyib.

O qeyd edib ki, saytlarla bağlı çox nikbin danışmağa gərək yoxdur.

"Misal üçün, 2 otaqlı "Leninqrad" layihəli mənzil sahəsi 48 kvadratdır. Amma saytda yerləşdirəndə 60 kvadrat metr yazırlar. Eyni qayda yeni tikililərə də aiddir. Təklif edilən evlərin bir çoxu 2 otaqdan, hətta 1 otaqdan 3 otağa düzəldilmiş və funksionallığını itirmiş evlərdir.

Tutaq ki, "Leninqrad", "Kiyev" layihəli 3 otaqlı evlərin sahəsi təqribən 62-65 kvadrat metrdir. Bunu düşünərək insanlar fikirlərşir ki, əgər yeni tikilidə 65 kvadrat metr sahəsi olan 1 otaqlı mənzili varsa onu 3 otağa çevirmək olar. Bu halda isə həmin evdə funksionallıq itir. Ona görə ki, tikinti prosesi zamanı layihələndirilərkən o evə otaq sayı kimi bir və ya 2 otaq nəzərdə tutulub, pəncərə sayı məhduddur və 3 otağa çevirən zaman bir otağa pəncərə qoymaq olmur. Bu cür digər məsələlər ortaya çıxır və mənzil funksionallığını itirir. Bu cür mənzilləri isə 3 otaqlı adı ilə saytlara yerləşdirirlər", - deyə o əlavə edib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.