İqtisadiyyat

Ərzaq qiymətləri ilə bağlı xoş xəbər - Bu tarixdən ucuzlaşa bilər

16 Sentyabr 2023 10:19
Baxış: 2 901
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #TİCARƏT

Beynəlxalq reytinq agentliyi olan "Fitch Ratings" Azərbaycanda inflyasiya səviyyəsinin 2023-2024-cü illərdə azalacağını proqnozlaşdırıb.

Milli.Az Trend-ə istinadən xəbər verir ki, illik inflyasiyanın azalması manatın Azərbaycanın Türkiyə və Rusiya kimi əsas ticarət tərəfdaşlarına nisbətdə nominal effektiv bahalaşması və dünyada ərzaq qiymətlərinin ucuzlaşması ilə əlaqəlidir.

Buna baxmayaraq, ərzaq və qeyri-ticari məhsullar (əsasən xidmətlər) üzrə təzyiqlər güclü olaraq qalmaqdadır.

"İllik inflyasiyanın 2023-cü ilin sonuna qədər Azərbaycan Mərkəzi Bankının (AMB) hədəf diapazonu tavanına (4±2%) yaxınlaşacağını proqnozlaşdırırıq. Beləliklə, orta inflyasiya 2023-cü ildə 10,1%-ə, 2024-cü ildə isə 6%-ə qədər azalacaq", - agentliyin məlumatında deyilir.

Qeyd edək ki, "Fitch Ratings" beynəlxalq reytinq agentliyi Azərbaycanın xarici valyutada uzunmüddətli emitent defolt reytinqini (EDR) müsbət proqnozla "BB+" səviyyəsində təsdiqləyib.

"Fitch Ratings Inc." dünyanın ən nüfuzlu reytinq agentliklərindən biridir. Agentliyin məqsədi müştəriləri üçün qərar qəbulunun effektivliyini artırmaq və biznes riskləri azaltmaq məqsədilə biznes analitikasının təqdim olunmasından ibarətdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.