Dünya

Tramp hər bir amerikalıya 5 min dollar ödəyəcək

10 Sentyabr 2026 12:22

Baxış: 318

VTB-də minimal faiz dərəcəsi ilə nağd kredit 9.9%-dən

ABŞ Prezidenti Donald Tramp Respublikaçılar Partiyasının qarşıdakı aralıq seçkilərdə Konqresin hər iki palatasında çoxluğu qoruyacağı təqdirdə ölkənin yetkin vətəndaşlarına 5 min dollar ödəniləcəyini vəd edib.

Milli.Az xəbər verir ki, Tramp bu barədə sentyabrın 9-da Dallasda Respublikaçılar Partiyasının noyabr seçkiləri ərəfəsində keçirilən milli qurultayında çıxışı zamanı danışıb.

O bildirib ki, respublikaçılar Nümayəndələr Palatası və Senatda qalib gəlsələr, ABŞ vətəndaşlarına iqtisadi göstəricilər hesabına xüsusi ödəniş ediləcək.

"Mən sizə bunu vəd edirəm: əgər respublikaçılar Nümayəndələr Palatasında və ABŞ Senatında - hər iki palatada qalib gəlsələr, iqtisadi uğurlarımız sayəsində ABŞ-ın hər bir yetkin vətəndaşına 5 min dollar dividend ödəyəcəyəm", - deyə Tramp bildirib.

ABŞ liderinin sözlərinə görə, vətəndaşlara veriləcək vəsait yalnız ölkə daxilində xərclənə biləcək. O, bu ödənişi "Tramp dividendi" adlandırıb.

Qeyd edək ki, ABŞ Konqresinə aralıq seçkilər noyabrın 3-də keçiriləcək. Seçkilərdə Senatın 100 üzvündən 33-ü, həmçinin Nümayəndələr Palatasının bütün 435 üzvü seçiləcək.

Müəllif: Nərmin Mahmudova (Milli.Az müxbir)