Şou-biznes

Röyanın keçmiş əri atasının azadlığa çıxmasından danışdı: "Məni görəndə..."

10 Sentyabr 2026 15:05

Baxış: 585

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ

"Çudo Peçka" şirniyyat mağazaları şəbəkəsinin sahibi Çingiz Cəlilovun oğlu, Xalq artisti Röya Ayxanın keçmiş həyat yoldaşı Anar Cəlilov atasının həbsdən azad olunmasından danışıb.

Milli.Az xəbər verir ki, Anar Cəlilov bu barədə Elgiz Əkbərin "YouTube" proqramında qonaq olarkən açıqlama verib. O, atası ilə mütəmadi əlaqə saxladıqlarını və görüşdüklərini bildirib.

"İndiyə qədər atamın yanına tez-tez gedib-gəlirdik. Biz həmişə görüşmüşük. Son bir ay yarım ərzində görüşə bilməmişdik. İndi gəlib məni görəndə şoka düşdü. Arıqlamağıma təəccübləndi", - deyə Anar Cəlilov bildirib.

Anar Cəlilov şəxsi həyatı ilə bağlı sualları da cavablandırıb. O, üçüncü həyat yoldaşından rəsmi şəkildə boşandığını açıqlayıb.

"Üç dəfə evlənib boşanmışam. Allah dördüncüdən saxlasın. Dörd övladım var. Böyük oğlumun 23 yaşı var. İkinci övladım Hüseyndir. Ən kiçik övladımın 5 yaşı var. 20 yaşımdan evlənirəm. Artıq bəsdir", - deyə o qeyd edib.

Xatırladaq ki, Çingiz Cəlilov 9 il həbsdə qaldıqdan sonra azadlığa buraxılıb. O, "Bank Standard"ın keçmiş İdarə Heyətinin sədri Səlim Krimanla birlikdə bankdan ümumilikdə 21,874 milyon manat məbləğində krediti qanunsuz çıxarmaqda təqsirli bilinib.

Müəllif: Tural Hüseyn (Milli.Az redaktor)