İqtisadiyyat

Həftəsonu Bakı-Ağstafa-Bakı marşrutu üzrə reyslər ARTIRILDI

8 İyun 2023 23:18

Baxış: 1 171

VTB-də minimal faiz dərəcəsi ilə nağd kredit 9.9%-dən

#NƏQLİYYAT

"Azərbaycan Dəmir Yolları" QSC (ADY) Bakı-Ağstafa-Bakı marşrutu üzrə artmaqda olan sərnişin tələbatı ilə əlaqədar olaraq iyunun 10-11-nə əlavə qatar reysləri təyin edib.

ADY-dən Milli.Az-a bildirilib ki, iyunun 10-da əlavə reys üzrə saat 8:25-də Bakı Dəmiryol Vağzalından yola düşən qatar Ağstafaya saat 13:20-də çatacaq. İyunun 11-də isə saat 16-da Ağstafadan yola düşən qatar Bakı Dəmiryol Vağzalına saat 21:25-də çatacaq.

Xatırladaq ki, Bakı-Ağstafa-Bakı marşrutu üzrə ənənəvi qrafiklə hər gün saat 08:45-də Bakıdan yola düşən qatar saat 13:40-da Ağstafaya, əks istiqamətdə saat 17:10-da Bakıya yola düşən qatar isə saat 22:05-də mənzil başına çatır.

Milli.Az