Mədəniyyət

Tənha ölən xalq artisti haqda - 7 fakt

9 Noyabr 2019 17:06
2 Şərh     Baxış: 2 787

Bu gün mərhum xalq artisti Zərnigar Ağakişiyevanın doğum günüdür.

Milli.Az Axar.az-a istinadən Zərnigar Ağakişiyeva ilə bağlı 7 faktı təqdim edir:

1. Mətbuatda Zərnigar Ağakişiyevanın doğum gününün 6 noyabr olduğu yazılsa da, aktrisa noyabrın 7-də anadan olduğunu deyib.

2. O, səhnəyə ilk dəfə 5 yaşında çıxıb: kənd klubunda keçirilən tədbirdə xalq şairi Səməd Vurğunun "Dahi rəhbərə" şeirini əzbər deyib.

3. 12 yaşı olarkən atasından xahiş edərək "Güləliyeva" soyadını "Ağakişiyeva" ilə əvəz eləyib. Ağakişi Zərnigar xanımın babasının adı olub.

4. Zərnigar Ağakişiyeva yalnız sənətini düşünüb və buna görə də ailə qurmayıb. Aktrisa bir kişi ilə 13 il biri evdə yaşayıb, lakin bunun ailə olmadığını deyib. O düşünürdü ki, əgər uşaq yoxdursa, bu, ailə deyil.

5. Aktrisa övladlığa uşaq götürmək istəsə də, həmin vaxt buna maddi imkanı çatmayıb.

6. Z.Ağakişiyevanın ən sevdiyi rolu "Təhminə" filmində canlandırdığı Zivərdir. Sənətkarın bu rolu hətta Türkiyədə də böyük maraq və heyranlıqla qarşılanıb.

7. Mərhum sənətkar deyirdi ki, ən böyük qorxusu tək ölməkdir: "Qorxuram qəfildən çətin vəziyyətə düşərəm, heç kimə əlim çatmaz".

Ömrü boyu təklikdən qorxan Zərnigar Ağakişiyeva 2018-ci il fevralın 8-də yaşadığı evdə tək-tənha vəfat edib və yalnız ölümündən 3 gün sonra tapılıb.

Milli.Az

loading...

Şərh yaz:

2 Şərh:

  • Anonim
    Kamilla · 9 Noyabr 17:3390

    O cur gozellin...enerjinin axiri. Heyat....sen ne qeribesen.

    Cavab yaz
  • Anonim
    dagli qizi · 9 Noyabr 19:5810

    Vayyy, ne pis olum...Vallah, duz deyib, ovlad olmayan ev, aile deyil...Allah rehmet elesin! O boyda aktrisa- ve bu cur olum...Wukur Sene, ya Allah!!!!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.