Mədəniyyət

“CinemaPlus”da “JARA” filminin nümayişi keçirildi

13 Sentyabr 2019 20:19
0 Şərh     Baxış: 314

Müstəqil Dövlətlər Birliyi (MDB) ölkələrindən Bakıya təşrif buyurmuş bloger, influencer və media nümayəndələrinin iştirakı ilə keçirilən "ProДвижения" layihəsi davam edir. 

Milli.Az xəbər verir ki, "ProДвижения" layihəsi sağlam həyat tərzinin sosial şəbəkələrdə bloger və influencerlər arasında təbliğ olunması istiqamətində təlim-məşğələ proqramından ibarətdir.

Layihə Azərbaycan Respublikası Gənclər və İdman Nazirliyi, MDB ölkələrinin Dövlətlərarası Humanitar Əməkdaşlıq Fondunun dəstəyi ilə "ADDIM" Gənclər Təşkilatı tərəfindən reallaşdırılıb. 

Layihə çərçivəsində "Gənclik Mall" TM-də yerləşən "CinemaPlus" premium kinoteatrında qonaqlara "JARA" filmi nümayiş olunub. Filmdən öncə qırmızı xalıda fotolar çəkdirən qonaqlar Bakı haqqında təəsüratlarını bölüşüblər.

Filmin ideya müəllifi və prodüsseri Teymur Cəfərov, rejissoru Dunya Lisova, quruluşçu-rəssamı Masksim Alipçenko və quruluşçu-operatoru Vasiliy Rıjovdur. 

Filmin çəkilişləri "JARA" beynəlxalq musiqi festivalı çərçivəsində ötən ilin iyul ayında Bakıda baş tutub. Belə bir lokasiyasının və çəkilişlərin vaxt seçimi film yaradıcılarına bir neçə günlük Rusiya və Azərbaycanın əsas ulduzlarını bir arada yığmaq imkanı yaradıb. Çəkilişlərdə Filip Kirkorov, Nikolay Baskov, Qriqoriy Leps, Ani Lorak, EMİN, Valeriya, İosif Priqojin, Timati, Yeqor Krid və başqaları iştirak ediblər.

Filmin süjeti Rusiya estradasının ulduzları ilə dolu təyyarədə başlayır. Onlar Bakıda keçirilən "JARA" festivalına uçurlar. Onların arasında Daşa Steklova adlı qız da var. O, filmin qəhrəmanı və "JARA" festivalının ulduzu olaraq tədbiri öz şousu ilə bağlayan artistdir. Onun rolunu Diana Pojarskaya ifa edir.

Qeyd edək ki, Pojarskaya "Otel Eleon" seriyalında, eləcə də Emin Ağalarovun "İnanılmaz" və "Wicked Game" mahnılarına çəkilmiş kliplər də rol alıb.

Filmdə Bakıya gələn Daşanı festivalın digər ulduz iştirakçıları ilə birlikdə çoxsaylı macəralar gözləyir.

"CinemaPlus" hər zaman sizə xoş sürprizlər etmək və kino dünyasında olan ən son premyeralarla sevindirməyə hazırdır.

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.