Mədəniyyət

Gecə oxusu: "Sevəcəyəm özüm səni"

15 Sentyabr 2011 00:30
0 Şərh     Baxış: 854
VTB-də minimal faiz dərəcəsi ilə nağd kredit 10.49%-dən
Sevəcəyəm özüm səni

Məndən uzaq olma bir an,
Görə bilsin gözüm səni.
Gah aşıkar, gah da pünhan
Vəsf eləsin sözüm səni.

Demə sənsiz ürək dözər,
Xəyalım da səni gəzər.
Yollarıma sal bir nəzər,
Qoy gətirsin izim səni...

Bu dünyanın işığı bol,
Sən də mənim qəlbimə dol.
Şeirim ol, hekayəm ol,
Sətirlərə düzüm səni.

Bir gül olum eşq bağında,
Bülbülüm ol budağımda.
Yanaqların yanağımda -
Hiss eləsin üzüm səni.

Sən mənimsən, mən səninəm,
Eşqin ilə yanır sinəm.
Bu sevdadan çətin dönəm,
Sevəcəyəm özüm səni!

Mənə mələyim de

Mənə mələyim de, bir cüt qanad ver,
Eşqin göylərində uçum səninlə.
Qoşulsun təbrikə ulduzlar bir-bir,
Sabahı birlikdə açım səninlə.

Alışdır, atəşin yansın üzümdə,
Dolaşaq, gül açsın dağım, düzüm də.
Sən dolsan, buluda dönüm özüm də,
Gülsən, Günəş kimi saçım səninlə.

Beləcə nur yağsın hər əməlindən,
Sevgi nəğmələri qopsun dilindən.
Məni elə sev ki, tutum əlindən,
Haraya deyirsən qaçım səninlə.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.