Gülnaz İsmayılovanın və onun tələbələrinin opera sənəti bayramında Azərbaycan irsi – VİDEO - FOTO

Fidan Hacıyevanın Vokal Musiqi Məktəbinin "Belcanto" konsert zalında Azərbaycanın Xalq artisti, professor Gülnaz İsmayılovanın və onun tələbələrinin iştirakı ilə "İrs" adlı konsert proqramı təqdim olub. Konsert Fidan Hacıyevanın İkinci Beynəlxalq Opera Festivalı çərçivəsində keçirilib. 

Açılışda Gülnaz İsmayılova festivalın opera sənətinin inkişafı və təbliğində əhəmiyyətini qeyd edərək, gənc istedadların yetişdirilməsinin və onlara yaradıcılığını reallaşdırmaq üçün geniş imkanların vacibliyini vurğulayıb. 

"Biz konserti "İrs" adlandırdıq, çünki yaradıcılıq fəaliyyətimizin təcrübəsini gənc nəslə və korifeylərimiz Bülbül, Rəşid Behbudov, Müslüm Maqomayev, Lütfiyar İmanov, Firəngiz Əhmədova, Fidan və Xuraman Qasımovlar və digər şəxsiyyətlərdən örnək olaraq ötürmək istəyirik. Nəsillərin və yaradıcı irsin davamlılığı təkcə biliklərin ötürülməsi deyil, həm də tariximizin yaddaşının qorunub saxlanması, mədəniyyətin inkişafına xidmət edir. Gənclər yaşlı nəsildən öyrənməyə çalışmalı və yaşlı nəsil yeni fikir və baxışlara açıq olmalıdır. Birgə fəaliyyət bizə birlikdə inkişaf etməyə imkan verir. Bu baxımdan Fidan Hacıyeva Beynəlxalq Opera Festivalı ölkənin mədəni həyatında mühüm hadisədir", - deyə Gülnaz İsmayılova qeyd edib. Dünya və Azərbaycan klassiklərinin əsərlərini tamaşaçıların alqışları altında gənc istedadlar - Şəms Qəhrəmanova, Şəms Cəfərova, Ülker Rüstəmova, Aynel Mehdiyeva, Murad Səfərov və əlbəttə ki, Xalq artisti Gülnaz İsmayılova çıxış ediblər. 

Xatırladaq ki, Fidan Hacıyevanın İkinci Beynəlxalq Opera Festivalı aprelin 23-dən 29-dək Bakıda keçirilir. Həftə ərzində paytaxtın ən yaxşı yerlərində tanınmış ustaların və yüksələn vokal ulduzlarının səsləri eşidilir - 6-16 yaş arası uşaqlar və yeniyetmələr, bir çoxu ilk dəfə böyük səhnəyə çıxırlar. 

İnformasiya dəstəyi - Trend.Az. Day.Az. Milli.Az. Azernews.Az