Şou-biznes

Cabir İmanovun vəfatından bir il ötür... - (Foto)

29 Sentyabr 2026 12:14

Baxış: 361

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #ƏMƏKDAR ARTİST #AKTYOR

Mərhum Əməkdar artist Cabir İmanovun vəfatından bir il ötür.

Milli.Az xəbər verir ki, əməkdar artist Bəhram Bağırzadə həmkarı, mərhum Əməkdar artist Cabir İmanovun xatirəsinə kitab həsr edib.

Bəhram Bağırzadə paylaşımında mərhum sənətçi ilə bağlı xatirələrini bölüşüb. O bildirib ki, Cabir İmanovun vəfatından bir il keçməsinə baxmayaraq, onunla daxilən danışmağa davam edir:

"Bu il ərzində onunla daxilən danışmadığım bir gün belə olmayıb. Biz həmişə zarafat edirdik və o, indi yanımda olmasa da, bu davam edir. Bəlkə də ona görə ki, mənim üçün o, yaşayır. Haradasa yanımdadır. Sadəcə burada deyil".

Bağırzadə qeyd edib ki, kitabda Cabir İmanovun uşaqlıq arzusundan bəhs olunur. Onun sözlərinə görə, mərhum sənətçi uşaqlıqdan polis olmaq istəyib və xidmətə qəbul olunması xəbərini ilk çatdırdığı şəxslərdən biri Bəhram Bağırzadənin atası Arif Bağırzadə olub.

"Qoy bu kitab vida deyil, davam olsun. Çünki biz xatırladıqca onlar bizimlədir. Onlarla danışdıqca bizi eşidirlər. Sevdikcə onlar yaşayırlar", - deyə Bəhram Bağırzadə bildirib.

Qeyd edək ki, "Parni iz Baku" KVN komandasının üzvü ötən il sentyabrın 29-da idman zalında qəfil ürəktutmasından dünyasını dəyişib. Cabir İmanov 22 iyun 1976-cı ildə Bakı şəhərində anadan olub. O, geniş tamaşaçı auditoriyasına "Parni iz Baku" KVN komandası ilə tanınıb. Aktyorun ən yaddaqalan obrazlarından biri isə "Məhəllə" filmində canlandırdığı Elşən (Eliş) obrazı olub.

Müəllif: Nərmin Mahmudova (Milli.Az müxbir)