Sağlamlıq

Çia toxumlarındakı ölümcül təhlükə - XƏBƏRDARLIQ

29 Aprel 2025 03:03

Baxış: 2 714

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK #QİDA

Son illərdə super qidalar arasında ulduza çevrilən çia toxumları lif, zülal, omeqa-3 yağ turşuları və antioksidantlarla zəngin olması səbəbilə insanlar arasında böyük maraq doğurub. Lakin amerikalı qastroenteroloq Dr. Cozef Salhab çia toxumlarının yanlış istifadəsinin sağlamlıq üçün ciddi risklər yaradacağı barədə xəbərdarlıq edib.

Milli.Az xəbər verir ki, sosial mediada "The Stomach Doc" və "Dr. GI Joe" kimi tanınan Dr. Salhab bildirib ki, quru çia toxumlarının su ilə təmas etmədən istehlakı udma borusunda tıxanmalara səbəb ola bilər. Bu vəziyyət bəzən təcili cərrahiyyə müdaxiləsi tələb edir.

Mütəxəssislər çia toxumlarının istehlakdan əvvəl mütləq isladılmasını tövsiyə edir. Nəmləndirilmiş toxumlar tərkibindəki kalsium, maqnezium və omeqa-3 kimi faydalı maddələrin orqanizm tərəfindən daha asan mənimsənilməsini təmin edir və həzm sisteminin sağlamlığı üçün də böyük əhəmiyyət daşıyır.

Çia toxumları xüsusilə smuzi, pudinq və sağlam qəlyanaltı reseptlərində geniş istifadə edilir. Praktik və dadlı olması ilə yanaşı, sağlamlıq baxımından da böyük üstünlüklərə malikdir. Ancaq Dr. Salhab istehlakçılara xəbərdarlıq edir:

"Faydalarından maksimum yararlanmaq və risklərdən qorunmaq üçün çia toxumlarını isladıb istifadə etmək çox vacibdir."

Fidan
Milli.Az