Cəmiyyət

Soğanı bu formada saxlasanız, gec xarab olacaq

29 Aprel 2025 00:48
Baxış: 2 339
VTB-də minimal faiz dərəcəsi ilə nağd kredit 9.9%-dən
#QİDA #MEYVƏ-TƏRƏVƏZ

Soğan hər evdə tez-tez istifadə olunan bir tərəvəzdir. Lakin, soğanın saxlanma qaydaları barədə yanlış düşüncələr bir çox insanın onun keyfiyyətini itirməsinə səbəb olur. Çoxları soğanı soyuducuda saxlamanın daha yaxşı olduğunu düşünür, amma əslində bu, soğanın daha tez xarab olmasına səbəb ola bilər.

Bəs soğanı necə düzgün saxlamaq lazımdır ki, onun təzəliyi uzun müddət qorunsun?

Milli.Az xəbər verir ki, bu barədə qida məhsullarının saxlanması üzrə mütəxəssis Melissa Alinkin bildirib ki,  soyuducunun soğanın saxlanması üçün uyğun bir yer deyil.

Onun sözlərinə görə, soğanın soyuducuda saxlanması, əslində onun daxili proseslərini sürətləndirir və bu da onun daha tez xarab olmasına səbəb olur. Aşağı temperatur soğanın təbii qocalma prosesini ləngidir, lakin bir tərəfdən də bu, çürümə və zəifləmə proseslərini tezləşdirir.

Bundan əlavə, mütəxəssis rütubətin də bu prosesi daha da sürətləndirdiyini qeyd edir. Nəm mühitdə küf və bakteriyaların çoxalması üçün əlverişli şərait yaranır, və bu, hətta ən yaxşı saxlama üsullarının belə yetərli olmamasına səbəb ola bilər. Alinkin fikrincə, soğanın təbii istirahət dövrünü təqlid etmək üçün onu quru, qaranlıq və yaxşı havalandırılan bir yerdə saxlamaq lazımdır.

Soğanın daha uzun müddət təzə qalması üçün mütəxəssis torlu kisələrdən, məftilli səbətlərdən və ya hətta kapron corablarından istifadə etməyi tövsiyə edir. Bu üsullar, soğanın daha yaxşı hava almasını təmin edir və onun təzəliyini uzun müddət qoruyur.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.