Şou-biznes

"O evdən qurtulmaq üçün ərə getdim"

29 Aprel 2025 00:37
Baxış: 2 560
VTB-də minimal faiz dərəcəsi ilə nağd kredit 9.9%-dən
#MÜĞƏNNİ

Müğənni Xatun Əliyeva 18 yaşında ailə qurmasından danışıb.

Milli.Az xəbər verir ki, sənətçi həmin şəxsi valideynlərinin seçdiyini etiraf edib:

"Məktəbi bitirdikdən sonra İncəsənət Universitetinə qəbul oldum. Həmin ərəfədə Şüvəlanda bir məclisə getmişdim və məni orada gördülər, elçi gəldilər. Çox gözəl, sayılıb-seçilən və imkanlı ailə idi. Mənim atam da imkanlı idi. O vaxt ən böyük arzum da ağ gəlinlik geyinmək idi. Heç kimi sevməmişdim, həmin şəxsi valideynlərim seçdi. Oğlumun atası mənim ilk sevgim oldu. O mənə dedi ki, heç vaxt işləməyə və oxumağa icazə verməyəcəyəm. Mən də ərə getməyi seçdim. 18 yaşımda ona vuruldum. Ailə qurduq, gözəl toyumuz oldu. Sonra boşanan insanlar kimi, biz də yola getmədik. Hamı da deyir ki, xasiyyətləri tutmadı. Dörd ilə yaxın Şüvəlanda gəlin oldum və bir də gördüm ki, oraya sığa bilmirəm".

Xatun ailədə sevgi ilə böyüyən bir uşaq olmadığını dilə gətirib:

"Mən ailədə sevgi ilə böyüyən bir uşaq olmamışam. Ailədə ikinci övlad olmuşam. Oğlan istədikləri halda mən dünyaya gəlmişəm. Bacımı məndən çox istəyiblər. Bəlkə də istəyiblər, amma mən görməmişəm. İndiyə kimi buna görə onlarla dalaşıram. Mənim atam və anam Balaş (qardaşı) olub. Atamın əmisinin gəlini ilə bir həyətdə yaşayırdıq. O məni əziləyirdi, ev işlərinə kömək etməyə çağırırdı. Bunları etmək xoşuma gəlirdi. Tez ailə qurmağımın səbəbi bu idi ki, o evdən qurtulum, ailə qurum, sevib-sevilim. Amma yağışdan yağmura düşdüm. Düzdür, narazılıqlar olsa da, yenə də şükür edirəm. Mən sənətə də sevgi üçün gəlmişəm. Gəlmişəm ki, sevilim. Allah bu gün onu mənə nəsib edib". (Axşam.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.