Mədəniyyət

Milli geyim dəfiləsi Göyçayda XII Nar festivalının parlaq bəzəyi oldu - FOTO

6 Noyabr 2017 16:57
Baxış: 2 250
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gülnarə Xəlilovanın Azərbaycan Milli Geyim Mərkəzinin dəfiləsi Azərbaycan Mədəniyyət və Turizm Nazirliyi, Göyçay İcra Hakimiyyəti Göyçayda birgə təşkil etdiyi XII Nar festivalının parlaq bəzəyinə çevrilib.

Milli.Az Trend-ə istinadən xəbər verir ki, dəfilədə daha əvvəl müxtəlif beynəlxalq tədbirlərdə təqdim olunmuş geyimlər nümayiş etdirilib.

Kolleksiyanın nümayişində "Venera" agentliyinin (rəhbəri Syama Həsənova) modelləri iştirak ediblər. Modelyer-dizayner, Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilova təşkilatçılara öz minnətdarlığını bildirib, festivalın yüksək səviyyədə keçirildiyini vurğulayıb.

Nar unikal bəhrədir, Azərbaycan isə dünyada narın bütün çeşidlərinin yetişdiyi yeganə ölkədir. Parlaq şirəli məhsul çoxdandır Azərbaycanın da dəyişməz rəmzinə çevrilib. Ona şeirlər və mahnılar qoşurlar, himnlər həsr edirlər. Azərbaycanda narı meyvələrin kralı adlandırırlar. Göyçay Azərbaycanın nar paytaxtı hesab olunur. İkin gün davam edən festivalda qonaqlara rəngarəng proqram, musiqi, rəqs və folklor kollektivlərinin çıxışı təqdim edilib, yarmarka və sərgi keçirilib, müxtəlif əyləncəli tədbirlər və müsabiqələr, region üzrə ekskursiyalar təşkil olunub. 

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.